SURAT NI SI PAULUS TU PARLAGUTAN ROM 1:1 - BIBEL JAMITA NA DENGGAN

¹ Sian si Paulus, naposo ni Kristus Jesus, na dipio gabe rasul jana disuru laho mambaritahon Jamita Na Denggan na sian Debata.

SURAT NI SI PAULUS TU PARLAGUTAN ROM 1:1 ပူးပေါင်းရင်းမြစ်များ

1 JUJUR TAON 23:13

Si Amram ma amang ni si Harun dohot si Musa. (Anggo si Harun dohot pomparannia sapanjangna noma dibaen markarejo hum mangurus angka panjamaan na nipake maribadat, manutung hamonyan di Tuhan, mangoloi Tuhan dohot mamasumasu rayat mangasahon goar ni Tuhan.

JESAYA 49:1

Tangihon ma au, ale angka pulo, parrohahon ma, ale angka bangso na dao! Hatiha sian bortian dope madung dipio Tuhan madung didok goarku hatiha dibortian ni dainang.

JEREMIA 1:5

“Dompak so Hujadihon ho di bortian ni inangmu, madung Hutanda ho, jana taran so sorang dope ho madung Huparbadiai ho, madung Hutodo do ho gabe panurirang tu angka bangso.”

MARKUS 1:14

Dung tarhurung si Johannes, kehe ma Jesus tu Galilea. Dijamitahon Ia ma disi Jamita Na Denggan na sian Debata.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 15:15

Anggo hamu nada Hugoari be naposo, harana anggo naposo nada diboto ia sanga aha na nikarejohon ni morana. Dongan do hamu Hugoari, harana sude na Hubege sian Damang madung Hupaboa tu hamu.

JOHANNES 15:20

Ingot hamu ma hata na Hudok on tu hamu, ‘Nada gumodang naposo sian morana.’ Muda diparkanciti halahi Au, hamu pe laing parkancitan ni halahi muse do. Muda diihutkon halahi pangajaranKi, laing ihutkonon ni halahi muse ma angka pangajaranmunu.

BAENON NI ANGKA RASUL 13:9

Tapi digohi Tondi Parbadia ma si Saulus, na nigoaran muse si Paulus, dipanotnoti ia ma bayo parelmu i,

BAENON NI ANGKA RASUL 20:24

Tapi nada pola hupardulihon ngolungkon, asalkan ma hupasidung karejo na nipasahat ni Tuhan Jesus tu au jana asal ma sai burju au lopus tu ujung ni ngolungku laho manjamitahon Jamita Na Denggan i, i ma taringot tu asi ni roha ni Debata.

BAENON NI ANGKA RASUL 21:40

Jadi dung dipaloas komandan i si Paulus mandok hata, jongjong ma ia di tangga i, dihiap ia ma dohot tangannia. Gabe sip ma sude halak na disi i. Dung i mandok hata ma ia di hata Ibrani. Didok ia ma,

BAENON NI ANGKA RASUL 22:21

Tapi didok Tuhan i ma muse tu au, ‘Kehe ma ho, harana suruonKu ma ho kehe tu na dao tu inganan ni halak sian bangso na asing.’ ” Ninna Tuhan i tu au.

BAENON NI ANGKA RASUL 22:7

Jadi tungkap ma au tu tano, jana hubege ma sada sora na mandok tu au, ‘Saulus, Saulus! Biasi diparkanciti ho Au?’ ninna.

BAENON NI ANGKA RASUL 26:1

Didok Raja Agrippa ma tu si Paulus, “Saonnari nipatola ma ho mandok hata laho mambela dirimu,” ning ia. Dung i diangkat si Paulus ma tangannia laho pajojorkon hata mambela dirina. Songon on ma didok ia,

BAENON NI ANGKA RASUL 26:14

Gabe martungkapan ma hami sude tu tano i. Dung i hubege ma sada sora di hata Ibrani na mandok tu au, ‘Saulus, Saulus! Biasi dope sai diparkanciti ho Au? Hancit ma hilalaonmu, muda sai dialo ho, pamimpin na gabe tuanmu.’

BAENON NI ANGKA RASUL 27:23

Harana napotangin madung disuru Debata na husomba i surusuruanNia tu au, Debata i do nampuna au.

BAENON NI ANGKA RASUL 9:15

Tapi didok Tuhan i ma tu si Ananias, “Kehe ma ho! Harana na dung Hupili do ia mangoloi Au, anso dijamitahon ia taringot tu goarKu tu sude angka bangso na asing dohot tu angka raja, songon i dohot tu halak Israel muse.

SURAT NI SI PAULUS TU PARLAGUTAN ROM 1:16

Dibaen nada maila au hara ni Jamita Na Denggan i, angke i do hagogoon ni Debata na markarejo laho paluahon sudena halak na porsaya; na parjolo i ma halak Jahudi, dung i muse angka bangso na asing.

SURAT NI SI PAULUS TU PARLAGUTAN ROM 1:5

Markite-hite Ia do hami jagit asi ni roha dohot karejo ni rasul laho manogu-nogu angka bangso anso porsaya halahi jana mangoloi goarNia.

SURAT NI SI PAULUS TU PARLAGUTAN ROM 1:9

Dibaen saksingku do Debata, na huoloi di bagasan tondingku markite-hite Jamita Na Denggan taringot tu AnakNia, jana tongtong do huingot hamu di bagasan tangiangku.

SURAT NI SI PAULUS TU PARLAGUTAN ROM 11:13

Hudok ma tu hamu, ale angka bangso na so Jahudi. Rasul ni angka bangso na so Jahudi do au, jana huetong do i gabe hasangapan ni pangoloionku.

SURAT NI SI PAULUS TU PARLAGUTAN ROM 15:16

Madung dibaen Ia do au gabe pangoloi ni Kristus Jesus, suruanNia mandapotkon angka bangso na asing. Jana hubaen do au gabe songon malim, manjamitahon Jamita Na Denggan na sian Debata anso gabe haul na tumbuk tu roha ni Debata angka halak na asing i. Sai gabe haul hapunjungan ma di Debata halahi baenon ni Tondi Parbadia.

SURAT NI SI PAULUS TU PARLAGUTAN ROM 15:29

Huboto do muda ro au, angkon boanonku do angka pasupasu na sian Kristus di hamu.

SURAT NI SI PAULUS TU PARLAGUTAN ROM 16:18

Harana anggo halak sisongon i nada tu Kristus Tuhanta i halahi markarejo, tapi laho palalu na di roha ni halahi sajo do. Markite-hite hata na lambok jana na tabo begeon, dipaoto-oto halahi do angka halak na bulus roha.

SURAT NI SI PAULUS TU PARLAGUTAN ROM 16:25

Debata do na tarbaen patogu rohamunu mangihutkon Jamita Na Denggan na hujamitahon i, i ma taringot tu Tuhan Jesus Kristus, jana mangihutkon hasimoon na dung dipapatar, dung jolo ditabunihon sian na robi.

1 KORINTUS 1:1

Sian si Paulus, hara ni hagiot ni Debata dipio gabe rasul ni Kristus Jesus, dohot sian si Sostenes donganta;

1 KORINTUS 9:1

Nada he halak na malua au? Nada he rasul au lakna? Nada he madung huida Jesus, Tuhanta i? Nada he suha ni halojaonku do hamu di Tuhan i?

2 KORINTUS 1:1

Surat sian si Paulus, rasul ni Kristus Jesus markite-hite hagiot ni Debata, dohot sian donganta si Timoteus, manopotkon parlagutan ni Debata na di Korintus, dohot sude dongan sahaporsayaan na di Akaya.

2 KORINTUS 11:5

Nada bagi na tumoruk au huhilala martimbangkon “angka rasulmunu” na luar biasa i!

2 KORINTUS 11:7

Na mardosa ma he au di na hupatutoru diringku laho patuginjangkon hamu, hara ni na hujamitahon Jamita Na Denggan na sian Debata di hamu songon sada silehen-lehen?

2 KORINTUS 12:11

Satutuna, ma gabe songon halak na oto au hubaen, tapi hamu do mambaen au gabe songon i. Sapatutna angkon hamu do nian mamuji au. Angke haru songon jolma na so mararti pe au, nada bagi talu au maradopkon “angka rasulmunu” na luar biasa i!

2 KORINTUS 2:12

Dung lalu au di Troas, laho manjamitahon Jamita Na Denggan taringot tu Kristus i do nian maksudku. Madung tarbuka muse dalan dibaen Tuhan i di au laho markarejo di inganan i.

2 KORINTUS 4:5

Anggo Jamita na hami pasahat i nada barita taringot tu dirinami sandiri i. Barita taringot tu Jesus Kristus do i; paboahon na tutu do Ia Tuhan jana hami ma angka naposomunu hara ni Ia.

GALATIA 1:1

Sian Rasul Paulus, dohot sian sude dongan na rap dohot au, tu angka parlagutan na di Galatia. Gabe rasul pe au, nada hara ni na nibaen ni jolma sanga markite-hite jolma, tapi markite-hite Jesus Kristus dohot Debata Ama na dung pangoluhon Ia mangulahi sian hamatean.

EPESUS 1:1

Sian si Paulus, rasul ni Kristus Jesus, markite-hite hagiot ni Debata, tu angka halak na badia na di Epesus dohot tu angka na porsaya di Kristus Jesus.

EPESUS 1:13

Laing songon i muse do hamu – hara ni na dung nibegemunu hata hasintongan i, i ma Jamita Na Denggan haluaanmunu i – di bagasan Ia, dung porsaya hamu, madung dimeteraihon hamu markite-hite Tondi Parbadia na nijanjihonNia i.

EPESUS 4:11

Ia do “na mambagi-bagihon angka silehen-lehen tu jolma,” tu na deba dilehen Ia silehen-lehenNia anso gabe rasul, tu na asing anso gabe panurirang; tu na deba nari muse anso gabe parjamita di Jamita Na Denggan i, jana tu na asing muse dilehen Ia silehen-lehenNia anso gabe panjago ni parlagutan dohot angka guru.

PANGARATAION 10:8

Di dolok i dibaen Tuhan ma Marga Levi marhapunjungan mangurus Poti Parjanjian i dohot mangoloi Tuhan gabe angka malim dohot mandok hata pasupasu mangasahon goarNia. I ma karejo ni halahi lopus saonnari.

PILIPPI 1:1

Sian si Paulus dohot si Timoteus, angka naposo ni Kristus Jesus, tu sude dongan sahaporsayaan di bagasan Kristus Jesus na di Pilippi, rap dohot di angka pamimpin dohot pangoloi. Hami na dua, si Paulus dohot si Timoteus naposo ni Kristus Jesus.

PILIPPI 2:11

Angkon torang ma okuon ni halahi paboa Jesus Kristus do Tuhan; jadi nipasangap ma Debata Ama i muda songon i.

KOLOSSE 1:1

Sian si Paulus, rasul ni Kristus Jesus markite-hite hagiot ni Debata, dohot si Timoteus donganta i,

KOLOSSE 1:25

Debata do marsuru au gabe pangoloi di parlagutan i laho manyarihon hamu. Angkon pabolkasonku do sudena barita na sian Debata;

1 TESSALONIKA 2:2

Diboto hamu do dompak so ro hami mandapotkon hamu tu Tessalonika, na dung jolo marhancit do hami jana marlayas di Pilippi. Hape madung dilehen Debata do tu hami habaranion laho manjamitahon Jamita na Denggan na sian Debata i tu hamu haru bahat pe paraloan tu hami.

1 TESSALONIKA 2:8

Songon i do hami, di bagasan holong ni rohanami na situtu di hamu, nada hum Jamita Na Denggan i, tapi dohot do ngolunami sandiri hami lehen di hamu.

1 TESSALONIKA 2:9

Tontu laing tangkas dope diingot hamu ale angka dongan, na marsitutu be do hami markarejo. Karejo do hami arian na borngin anso ulang susa hami baen sanga ise sian hamu salolot na mamaritahon Jamita Na Denggan na sian Debata i hami tu hamu.

1 TIMOTEUS 1:1

Sian si Paulus, rasul ni Kristus Jesus, markite-hite tona ni Debata Sipalua hita dohot Kristus Jesus arop ni rohanta i.

1 TIMOTEUS 2:7

Jana hara ni i ma umbaen na nisuruNia au mandapotkon angka halak na so Jahudi laho manjamitahon tu halahi barita taringot tu haporsayaan ni halak Kristen na tutu. Tutu do na hudokkon on, nada margabus au disi.

2 TIMOTEUS 1:11

Laho manjamitahon Jamita Na Denggan i do dipabangkit Debata au gabe rasul dohot pangajari.

TITUS 1:1

Sian si Paulus, naposo ni Debata, bope rasul ni Jesus Kristus, na nipili do au jana na nisuru laho manyarihon angka na nipili ni Debata anso mur togu di haporsayaanna. Angkon togu-toguonku do halahi laho mananda hasintongan na niajarkon ni ugamonta,

IBRANI 5:4

Nada adong sahalak pe na mambuat hasangapan i tu dirina sandiri, tapi na nipio ni Debata do ia dikarejo i, songon na masa tu si Harun.

IBRANI 7:26

Jadi Jesus i do Malim Godang na porlu di hita. Na badia do Ia; nada adong dapot disi hasalaan sanga dosa aha pe. Madung disirang Ia sian angka jolma pardosa jana dipanaek lopus tu inganan na gumincat sian langit.

JAKOBUS 1:1

Tabe ma sian au, si Jakobus, naposo ni Debata dohot Tuhan Jesus Kristus, tu na dua bolas marga i, na di parserahan.

1 PETRUS 4:17

Madung dapot hatihana, Debata manguhumi portibi on. Jana halak ni Debata sandiri do parjolo niuhuman. Antong, muda sian hita ma pungkaon ni Debata, tarbia muse noma ulaning na masa tu angka halak na so mangkaporsayai Jamita Na Denggan na sian Debata?

2 PETRUS 1:1

Sian si Simon Petrus, naposo jana rasul ni Jesus Kristus, tu angka na rap dohot hami manjagit haporsayaan i markite-hite hatigoran ni Debatanta dohot Sipalua hita, Jesus Kristus.

JUDAS 1:1

Sian si Judas naposo ni Jesus Kristus, anggi ni si Jakobus, tu angka halak na tarpio jana na nihaholongan di bagasan Debata Ama, jana na nijagohon ni Jesus Kristus.

HALUMBAAN 1:1

On ma halumbaan ni Jesus Kristus, na nilehen ni Debata diSia anso dipatidahon Ia i tu angka naposoNia taringot tu angka na giot masa. Jana madung dipatangkas jana ditongos Ia i markite-hite surusuruanNia tu naposoNia si Johannes.

HALUMBAAN 22:6

Jadi didok surusuruan i ma tu au, “Tutu do sude pandohan on jana sihaposan, Tuhan Debata na mangalehen TondiNia tu angka panurirang i, i do na marsuru surusuruanNia laho patuduhon tu angka naposoNia sanga aha na angkon masa santongkin nari.”

HALUMBAAN 22:9

hape ning ia ma tu au, “Ulang! Ulang ho marsomba tu au! Debata ma somba! Angke laing naposo muse do au sarupa dohot ho, dohot songon angka donganmu panurirang dohot sudena halak na marmomos angka hata na di bagasan buku on!”