PODA 8:35 - BIBEL JAMITA NA DENGGAN

³⁵ Sanga ise na mandapot au, maruli hangoluan, tusia ma lomo roha ni Tuhan.

PODA 8:35 ပူးပေါင်းရင်းမြစ်များ

PODA 1:33

Tapi anggo halak na manangihon au tarjamin do. Aman ngoluna jana nada porlu mabiar ia.”

PODA 12:2

Dihajopkon Tuhan do halak na burju, tapi diburai Ia do halak na paoto-otohon.

PODA 18:22

Halak na dapotan boru, mandapot hauntungan; i ma na patuduhon bahaso tusia jop ni roha ni Tuhan.

PODA 3:22

I ma na gabe hangoluanmu jana sorminan di dirimu.

PODA 3:4

gabe dapotan holong ma ho dohot hasangapan, di bagasan parnidaan ni Debata dohot jolma.

PODA 4:13

Ingot ma sanga aha na dung niparsiajaranmu, i do hangoluanmu, hara ni i jagohon ma i.

PODA 4:22

Sanga ise na mamoto taringot tusi mangolu ma i jana gabe horas.

PODA 9:6

Tadingkon ma halak na oto, anso mangolu hamu; jana ihutkon ma dalan ni halak na marroha.”

PARJAMITA 7:12

dos muse do i dohot hepeng na parohon sonang ni pangkilalaan. Sanga ise na maruli parbinotoan dohot bisuk, marhaluaan ma ia.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

EPESUS 1:6

Pinuji ma Debata hara ni hadengganan ni rohaNia na songon i godang na nipabotohonNia tu hita mardapot-dapot markite-hite Anak haholonganNia i.

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

KOLOSSE 3:3

Angke madung mate hamu, jana buni do ngolumunu rap dohot Kristus di bagasan Debata.