PODA 8:17 - BIBEL JAMITA NA DENGGAN

¹⁷ Huhaholongi do na marholong ni roha di au; na manjalahi au, gabe dapot ia do au.

PODA 8:17 ပူးပေါင်းရင်းမြစ်များ

2 JUJUR TAON 34:3

Dung salapan taon ia gabe raja, dompak bajar dope ia, mamungka ma si Josia marsomba Debata na nisomba ni Raja Daud ompunia i. Dung opat taon mamungka ma dironcohon ia angka inganan parsombaan ni gana-ganaan, angka patung ni Debata Asera, dohot angka gana-ganaan na asing.

MASMUR 91:14

Didok Tuhan, giot paluaonKu halak na mangkaholongi Au. OndinganKu ma sanga ise na mangoku Au gabe Tuhan.

PODA 1:28

Anggo di hatiha i, pio-pio ma hamu tu au tapi nada alusanku hamu. Jalahanmunu ma au sun tu dia, tapi nada dapot hamu be au.

PODA 2:4

Jalahi ma i songon na manjalahi sere, jana kojar ma i songon na mangkojar arta na buni.

PODA 2:5

Muda songon i botoonmu ma sanga aha arti ni biar maradopkon Tuhan jana maruli parbinotoan ma ho taringot tu Debata.

PODA 4:6

Argahon ma habisuhon, gabe ondihonon ni habisuhon ma ho; haholongi ma i gabe jagohononna ma ho anso totop aman.

PODA 8:16

Harana au do mambaen markuaso pamimpin, dohot parpolitik, dohot panguhum di tano on.

PARJAMITA 12:1

Ingot ma Na Manompa ho taran di haposoonmu, painte so dapot angka taon na gok hasusaan. Anggo di hatiha i dokkononmu ma, “Nada martua ngolungku.”

ENDE NA GODANG 3:4

Hutinggalkon halahi, lalu dapot au ma ia, jana nada hupadiar ia kehe; togu hutiop lopus huoban ia tu bagas ni dainang; tu bilik ni dainang na manubuhon au.

JESAYA 45:19

Nada Au mandok hata marsibuni-sibuni, sangkapKu nada i Hututup-tutupi. Nada Hupangido sian bangsongKu Israel anso jalahanna Au di inganan na lungun di na pinjil. Au do Tuhan; na patangkas habonaran, jana Hubaritahon hatigoran.”

JESAYA 55:6

Jalahi ma Tuhan dompak tarbaen dope dapot, pio hamu ma Ia salolot laing donok dope Ia.

MATEUS 6:33

Sai jumolo ma jalahi hamu Harajaan Ni Debata dohot hatigoranNa, jadi lehenonNia ma di hamu sasude na songon i.

MARKUS 10:14

Jadi marnida i muruk ma Jesus didok Ia ma tu angka anak siseanNia i, “Padiar hamu ma marroan angka dakdanak i tu Au! Ulang rarang hamu halahi. Angka halak sisongon i do na gabe nampuna Harajaan Ni Debata.

JOHANNES 14:21

Sanga ise na manjagit angka parentangKi jana na mangoloisa, i ma na mangkaholongi Au. Haholongan ni Damang ma sanga ise na mangkaholongi Au. Au pe laing haholonganKu ma halahi, jana patidahononKu ma tu halahi sanga ise Au.”

JOHANNES 14:23

Ninna Jesus ma mangalusi, “Sanga ise na mangkaholongi Au, ihutkononna do angka pangajaranKu. Haholongan ni Damang ma Ia. Ro ma Damang dohot Au sandiri mandapotkon ia jana maringanan ma Hami rap dohot ia.

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JOHANNES 5:4

Harana sai mijur do huhul surusuruan ni Tuhan tu bagasan paridian i, manggaor aek i. Jana sanga ise sian na marnyae i parjolo masuk tu paridian i hatiha manggulsak aekna i, malum ma nyaena i; sanga na nyae aha pe angkon malum.]

JOHANNES 7:37

Ari na parpudi di pesta i, i ma mata ni pesta i. Jongjong ma Jesus disi mandok hata marsora na gogo, ning Ia ma, “Sanga ise na manguas, tu Au ma ro anso minum.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.

1 JOHANNES 4:19

Marholong ni roha pe hita, hara ni na dung parjolo do Debata mangkaholongi hita.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.