PODA 8:14 - BIBEL JAMITA NA DENGGAN

¹⁴ Hubaen do sangkap, lalu hupadalan. Pistar do au boti muse marhagogoan.

PODA 8:14 ပူးပေါင်းရင်းမြစ်များ

PODA 1:25

Dipasiding hamu do sude sipaingotku jana gora-gorangku ditulak hamu.

PODA 18:1

Halak na so malo margaul, diparrohahon hum tu dirina, pandapot ni halak na asing nada tarjagitsa.

PODA 19:20

Tangihon ma poda, jana parhagiot ma parsiajaran, anso marbisuk ho.

PODA 24:5

Marsahalaan do halak na bisuk ulang pado halak na gogo; umporlu do parbinotoan sian gogo.

PODA 3:21

Antong hara ni i, marsitiopan ma ho tu habisuhon dohot tu roha na denggan, ale anakku! Sanga na bia pe ulang palua i,

PARJAMITA 7:19

Margunaan do habisuhon di nampunasa, umpado sampulu na markuaso di sada kota.

JESAYA 28:29

Sian Tuhan Na Markuaso i do haroro ni habisuhon i. Sai na matua bisuk do sude sangkap ni Tuhan jana sai manjadi.

JESAYA 40:14

Tu ise ma Tuhan marsapa, anso diastui Ia, jana ise ma he na patuduhon dalan hatigoran tuSia? Ise mangalehen parbinotoan tuSia, dohot panogu-noguon sanga bia baenonNia sudena?

JESAYA 9:6

Madung sorang di hita sada dakdanak; dibasa-basahon di hita sada anak. Ia ma na gabe pamimpinta. Digoari do Ia: “Panuturi Na Marroha”, “Debata Parkuaso”, “Ama Salolot ni lolotna”, “Raja Ni Hadameon”.

JEREMIA 32:19

Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.

JOHANNES 1:9

Torang na tutu na manorangi sandok jolma, ro tu portibi on.

SURAT NI SI PAULUS TU PARLAGUTAN ROM 1:22

Dipikir halahi gabe na bisuk, hape gabe na oto do halahi.

1 KORINTUS 1:24

Tapi anggo di halak na dung nipiohon ni Debata – halak Jahudi sanga na so Jahudi – anggo jamita i hum Kristus do jana Kristus i ma hagogoan ni Debata dohot hamaloan ni Debata.

1 KORINTUS 1:30

Hara ni na nibaen ni Debata sandiri do umbaen na gabe mardomu hamu dohot Kristus Jesus. Na nilehen ni Debata do Kristus tu hita, anso marguru tu Kristus hamaloanta. Angke Kristus do na padenggankon hita mangulahi dohot Debata. Laing Kristus do na papitahon hita anso gabe bangso na polin hita di Debata. Kristus muse do na paluahon hita.

KOLOSSE 2:3

Harana dibagasan Ia do buni sude arta habisuhon dohot hapistaran.