PODA 8:12 - BIBEL JAMITA NA DENGGAN

¹² Au ma da habisuhon; di au do adong pangastuion; malo do au jana marparbinotoan.

PODA 8:12 ပူးပေါင်းရင်းမြစ်များ

1 RAJA-RAJA 7:14

Amangnia hian pe tukang tumbaga do sian Tirus jana inangnia boru Naftali. Na malo do si Hiram i manjama karejonia jana bahat do parbinotoannia di sude karejo pauli parkokas. Dipangido si Salomo ma tusia, laho manguluhon sude karejo na marpardomuan tu barang-barang na sian tumbaga jana dioloi si Hiram ma i.

1 JUJUR TAON 28:12

Laing dipasahat si Daud ma sude sangkap na dung dipikirkon ia salaho tu bagian ni alamanna dohot angka kamar humaliangna, dohot salaho tu angka gudang panyimpanan ni na hasaya di Bagas Ni Debata dohot panyimpanan ni angka silehen-lehen di Tuhan.

1 JUJUR TAON 28:19

Dung i didok Raja Daud ma, “Madung adong sudena i di sangkap na nisuratkon marguru tu na nidok ni Tuhan sandiri tu au, anso dipatulus.”

2 JUJUR TAON 13:14

Di na niida ni pasukan ni Juda na hona hobuk halahi, marsurak ma halahi mangido tolong tu Tuhan. Diombus angka malim ma sarune,

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

HARURUAR 35:30

Dung i didok si Musa ma tu halak Israel, “Madung ditodo Tuhan si Besaleel anak ni si Uri, pahompu ni si Hur na sian Marga Juda.

PODA 1:4

Halak na hurang pangalaman diajari do gabe malo, jana halak na poso diajarisa gabe halak na marbinoto boti marbisuk.

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

JESAYA 28:26

Diboto ia do sanga na bia baenonnia mangkarejohon i, harana madung diajari Debata ia.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

EPESUS 1:11

Debata do mangkarejohon sasudena hombar tu hagiotNia dohot haputusanNia sandiri. Sian mula ni mulana madung ditodo Ia hian hita hara ni por ni rohaNia anso markite-hite Kristus gabe halakNia hita,

EPESUS 1:8

na dung dilehen Ia di hita markite-hite ragam ni habisuhon dohot parbinotoan.

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

KOLOSSE 2:3

Harana dibagasan Ia do buni sude arta habisuhon dohot hapistaran.