PODA 7:7 - BIBEL JAMITA NA DENGGAN

⁷ Jadi huligi ma bahat doli-doli na bajar dope; tapi hupamanat ma tangkas sada na oto sian tonga-tonga ni halahi.

PODA 7:7 ပူးပေါင်းရင်းမြစ်များ

JOB 24:15

Siparhamainan sai tarpainte ari potang; mamake panutup ni bohi ia anso ulang nitandaan.

MASMUR 119:130

Muda dipatorang, pangajaranMu mur tumangkas mangalehen hatorangan, mangalehen parbinotoan tu halak na oto.

MASMUR 19:7

Sanggam do Tona Ni Tuhan, pasonang rohaniba. Haposan do parenta ni Tuhan, mambaen marbisuk halak na lidang.

PODA 1:22

Ninna do, “Ale hamu angka jolma na oto! Intap ni andigan do giotmunu sai tongtong maoto? Andigan pe ra hamu mantak palayaskon parbinotoan dohot na manulakkon pangajaran?

PODA 1:32

Mate ma halak na so marpangalaman patunda ni na so ra manjagit au, jana magete ma halak na oto hara ni na so ra mangalehen rohana tu au.

PODA 1:4

Halak na hurang pangalaman diajari do gabe malo, jana halak na poso diajarisa gabe halak na marbinoto boti marbisuk.

PODA 10:13

Halak na pistar paruarkon hata na marbisuk, halak na oto porlu do hona sambok.

PODA 12:11

Partani na padot karejo bubung sopona, tapi na oto do halak na pangabis ari-arina di na so marguna.

PODA 14:15

Halak na oto porsaya do di sasudena, tapi anggo halak na bisuk diparrohahon do dalanna.

PODA 14:18

Dijagit na bodo do suman tu habodoanna, tapi muda halak na pistar dapotan parbinotoan do i.

PODA 19:2

Nada denggan mangaringgas iba mangkarejohon na so binoto, halak na mopop gabe dapotan hamaolon do.

PODA 19:25

Muda niuhum halak na sombong, disi pe halak na so marpangalaman i dapot pangajaran. Muda niajar halak na marroha, gabe dapotan ia parbinotoan.

PODA 22:3

Monjap do halak na marroha muda diida ro jaya; anggo halak na bodo sai mardalan do torus gabe marmara.

PODA 24:30

Unjung do mamolus au sian ladang dohot kobun ni halak na losok.

PODA 27:12

Manyipi do halak na marroha muda diidasa parmaraan; anggo na oto didalani do torus lalu marmara.

PODA 5:1

Ale anakku parrohahon jana tangihon ma habisuhonku dohot pangastuionku,

PODA 6:20

Ale anakku, patulus ma sanga aha na niparentahon ni amangmu, jana ulang halupahon angka sipaingot ni inangmu.

PODA 6:32

Tapi halak na markarosuan, na hurang roha do ia disi angke na manyegoi dirina sandiri do ia disi.

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

PODA 9:16

“Maradian ma jolo, hamu na so marpangalaman!” Jana tu halak na oto didok ia,

PODA 9:4

“Sanga ise na so marpangalaman, ro ma tuson!” Tu halak na oto, didok habisuhon do,

JEREMIA 4:22

Didok Tuhan do, “Na oto ma antong bangsongKi, nada ditanda halahi Au. Laing matua songon anak na bodo do halahi saotik pe nada bagi aha diboto; pistar do halahi anggo di hajahatan tapi nada malo di hadengganan.”

MATEUS 15:16

Dialusi Jesus ma, “Laing na so mangarti dope hamu lakna?