PODA 7:27 - BIBEL JAMITA NA DENGGAN

²⁷ Muda kehe ho tu bagasna i, na mardalan tu hamatean na mamondut do i.

PODA 7:27 ပူးပေါင်းရင်းမြစ်များ

PODA 5:5

Manuat ma ho saratonnia tu inganan ni halak na mate; na giot tu hamatean do dalan na nibolusna.

PODA 7:8

Mardalan ma doli-doli na oto i di dalan i, lalu ma ia donok tu bagas ni sada dadaboru jalang.

PODA 9:18

Barang ise na kehe tusi nada diboto ia na disi do hamatean, jana na masuk tu bagasna, madung masuk tu bagasan hamatean.

PARJAMITA 7:26

Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

1 KORINTUS 6:10

angka panangko, na mangkaut tu diri dohot parmabuk, angka na sai ra manilakoi halak, dohot angka na mambuat sian halak na so bagianna – sude halak sisongon i nada dapotan bagian di Harajaan Ni Debata.

1 KORINTUS 6:9

Nada he diboto hamu do, anggo angka halak na so tigor nada dapotan bagian di Harajaan Ni Debata? Ulang ma hamu lilu! Halak na markarosuan, sioloi gana-ganaan, si pangalangkup, si pangalukluhi, si pandalus-dalus,

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.