PODA 7:26 - BIBEL JAMITA NA DENGGAN

²⁶ harana na dung bahat do disegohon ia ngolu ni halaklahi. Nada taretong bahatna na mate hara ni ia.

PODA 7:26 ပူးပေါင်းရင်းမြစ်များ

2 SAMUEL 3:27

Disi lalu si Abner di Hebron, dipiohon si Joab ma ia tu lambungnia, tu lambung ni pintu horbangan i tarsongon na giot mangkobari sada rahasia. Dung i ditiham si Joab ma butuha ni si Abner i lalu mate. Songon i ma si Abner hona bunu dibaen si Joab laho mambaloskon pamunuon tu si Asael angginia i.

NEHEMIA 13:26

Hudok, “Nada he dosa na songon on do na nibaen ni Raja Salomo? Nada adong raja na gumodang sian ia di portibi on. Dihaholongi Debata ia jana dibaen ia gabe raja di sandok Israel. Tapi haru songon i pe dielek-elek angka boru ni bangso na asing do ia laho mambaen dosa.

PODA 2:18

Muda kehe ho tu bagasna, dos do i na kehe ho tu hamatean. Kehe tusi sarupa dohot na kehe tu inganan ni jolma na mate do i.

PODA 23:28

Mangadang do halahi songon panyamun jana patunda ni halahi bahat halaklahi na marmainan.

PODA 6:33

Marjaya jana digorai ma ia jana maila ma ia salolotna.

PODA 7:27

Muda kehe ho tu bagasna i, na mardalan tu hamatean na mamondut do i.

PODA 9:18

Barang ise na kehe tusi nada diboto ia na disi do hamatean, jana na masuk tu bagasna, madung masuk tu bagasan hamatean.

1 KORINTUS 10:8

Nada tola hita marpangalaho na so ture songon na nibaen ni deba sian halahi. Angke hara ni na mambaen songon i, gabe mate dua pulu tolu ribu halak di bagasan sadari.

2 KORINTUS 12:21

Songon na biar do rohangku, betak sai dipatoruk Debata au di jolomunu muda hutopot hamu. Sak muse do rohangku, bahat sian hamu na mardosa hian nabaruon, patangiskon au hara ni na laing so ra muba jana laing so mantak halahi marpangalaho na so ture, na hodar dohot na so tama.

1 PETRUS 2:11

Hamu angka dongan na nihaholongan! Halak na asing do hamu jana pangaranto di tano on. Hara ni i gomos hupangido tu hamu anso ulang ihutkon hamu hagiot ni jolma na sai marporang mangalo tondi.

HAKIM-HAKIM 16:21

Gabe ditangkup halak Pilistin ma ia jana diholuk anak ni matana i. Dioban halahi ma ia tu Gasa jana ditambat halahi ma ia dohot rante tumbaga lalu dipamasuk ma tu bagasan hurungan. Disuru ma ia disi markarejo manggiling.