PODA 7:23 - BIBEL JAMITA NA DENGGAN

²³ Santongkin nari tombuhon ni anak ni pana ma andorania. Songon unggas na habang manyuruk jaring, nada diboto madung marmara ngoluna.

PODA 7:23 ပူးပေါင်းရင်းမြစ်များ

PODA 1:17

Salangkan unggas pe indangkan na masuk i tu bagasan jaring na dipagistang di jolo ni matana,

PODA 6:26

Hepeng do na arga di dadaboru jalang tapi ngoluniba na arga i giot buaton ni dadaboru ni halak na asing.

PODA 6:32

Tapi halak na markarosuan, na hurang roha do ia disi angke na manyegoi dirina sandiri do ia disi.

PODA 7:22

Nada marpikir be ia manigor mangihut tu anak boru i songon lombu na diiring tu panyambolan jana songon ursa na giot kehe tu jaring.

PODA 9:18

Barang ise na kehe tusi nada diboto ia na disi do hamatean, jana na masuk tu bagasna, madung masuk tu bagasan hamatean.

PARJAMITA 7:26

Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

PARJAMITA 9:12

Nada diboto jolma sanga andigan dapot hatihana. Songon unggas na hona jorat dohot ihan na hona jala, songon i muse do jolma hona mara di hatiha na so ditagam roha.