PODA 6:6 - BIBEL JAMITA NA DENGGAN

⁶ Ale ho na losok, kehe ma ho marsiajar tu porkis; parrohahon ma pambaenanna i.

PODA 6:6 ပူးပေါင်းရင်းမြစ်များ

PODA 1:17

Salangkan unggas pe indangkan na masuk i tu bagasan jaring na dipagistang di jolo ni matana,

PODA 10:26

Songon asom tu ipon sanga songon timus tu mata, songon i do halak na losok tu na marsuru ia.

PODA 10:4

Halak na losok madabu tu hapogoson, marhite hapadoton markarejo dapot hamoraon.

PODA 13:4

Bahat do por ni roha ni na losok hape umpe sada na dapotsa; halak na padot markarejo dapotsa do sude por ni rohana.

PODA 15:19

Halak na losok sai na marpupu do i susa; halak na jujur nada adong hamaolonna.

PODA 18:9

Sarupa do jahat ni halak na losok karejo, dohot halak na sai mambaen sego.

PODA 19:15

Muda giot parlosok ho, rohamu ma di ho! Torus ma ho modom, lalu ma naron malean ho.

PODA 19:24

Adong do halak na santak losok; mangaum indahan pe rohana dokdok.

PODA 20:4

Partani na losok nada di hatihana mangkarejohon ladangna; ujungna di masa ni na mambuat, nada dapotsa sanga aha suhana.

PODA 21:25

Adong do por ni roha ni parlosok, hape nada ra karejo, i ma dalanna ia marhancit situtu.

PODA 22:13

Halak na losok mandok: “Adong singa di luar dijomak au annon di tonga dalan.”

PODA 23:19

Tangihon ma, ale anakku! Marbisuk ma ho. Situtui ma mamparrohahon parngoluonmu.

PODA 30:24

Adong do di tano on opat ragam binatang na menek tapi sun malona, i ma:

PODA 30:25

Porkis, binatang na so margogo, tapi na paradehon panganonna di musim logo.

PODA 6:9

Sadia lolot nari ho ale na losok sai modom, andigan pe ho ngot?

JESAYA 1:3

Ditanda lombu do nampunasa, jana ditanda halode do palangka na nibaen ni tuanna. Hape anggo bangsongKu Israel umpe diboto bagi aha. Tutu situtu ma na so umboto sanga aha halahi.”

JEREMIA 8:7

Unggas sibarung pe diboto do hatihana mulak; hatutu, layang-layang dohot pincala pe diboto do hatihana pinda inganan. Hape anggo hamu, bangsongKu, nada diboto hamu angka tona na Hulehen di hamu.

MATEUS 25:26

‘Ho ma naposo na jahat jana na losok!’ ning tuan i. ‘Inda he diboto ho, hubuat do parbatu sian na so husuan, dung i hubuat do suha sian na so husabur?

MATEUS 6:26

Ligi hamu ma jolo angka unggas na habang i pahae-pahulu. Nada manyabur same halahi, nada manyabi, nada adong palagutkon suha ni saba halahi tu talobat. Tapi haru pe songon i, dipahan Amangmunu na di banua ginjang i do halahi. Nada he dao dope ummarga hamu sian angka unggas i?

SURAT NI SI PAULUS TU PARLAGUTAN ROM 12:11

Ulang ma nian sumurut hariringgasmunu i, marsigorgor ma tondimu laho mangoloi Tuhan i.

IBRANI 6:12

Nada por rohanami gabe losok hamu. Anggo giotnami, mangolu ma hamu songon halak na manjagit sanga aha na nijanjihon ni Debata hara ni haporsayaanmunu tuSia dohot hasobaranmunu paintehonsa.