PODA 6:25 - BIBEL JAMITA NA DENGGAN

²⁵ Ulang dihagioti rohamu hajegeson ni halahi, jana ulang tartarik rohamu baenon ni pangkidop ni matana.

PODA 6:25 ပူးပေါင်းရင်းမြစ်များ

2 RAJA-RAJA 9:30

Lalu ma si Jehu tu Jisreel. Dung tarbege tu si Isebel sude na masa i, dipajeges ia ma parsurinia, dung i manaili ma ia tu toru sian jandela ni bagas godang i.

JOB 31:1

Marjanji do au mardongan sumpa na so ro be rohangku di bujing-bujing na poso muda huida.

ENDE NA GODANG 4:9

O haholongan ni rohangku na huririt, panailimu, dohot borgok na di rungkungmu mambaen sai tu ho rohangku.

JESAYA 3:16

Didok Tuhan, “Ligi da, sombongna i angka boru Jerusalem! Mardalan halahi maradu gakgak. Humetek-hetek ma halahi manghidopi. Dipabaen-baen ma pangalangkana i jana mardoring-doring ma sora ni angka golang ni patna i.

JEREMIA 4:30

O ale Jerusalem, madung maronco ho! Aha be gunana marbaju na saksak jana mamake barang sere dohot perak, dohot mangalapuhon colak di mata? Parcuma do dipajeges ho dirimu, angke nada tumbuk be ho di roha ni haholonganmu, mur halahi noma na giot mambuat hosamu.

JEHESKIEL 23:40

Mur ditongos halahi muse dope ontang-ontang tu angka halaklahi di angka luat na dao jana ro be do i. Laho manyambut angka tamu i, maridi ma na martinadohon i, mamake colak ni mata dohot mamake angka barang parhiasan.

MATEUS 5:28

Tapi anggo saonnari Hudok tu hamu: Muda adong halak na midaan dadaboru, gabe impol rohania, na dung markarosuan do ia dohot anak boru i di bagasan rohania.

PANGARATAION 5:21

Ulang marpor ni roha tu dadaboru ni donganmu jolma, ulang marpor ni roha di bagasna, tanona, bope naposona halaklahi, bope naposona dadaboru; bope di lombuna, bope di halodena, bope sanga aha nampuna ni donganmu jolma.’