PODA 6:16 - BIBEL JAMITA NA DENGGAN

^16-19 Adong do pitu parkaro goyak ni roha ni Tuhan jana na so tarpadiar Ia: Tabiat na sombong. Pamangan pargabus. Tangan na mamunu halak na so marsala. Utok-utok na mambaen sangkap na jahat. Pat na mopop kehe tu hajahatan. Saksi na sai torus margabus, dohot halak na patubu-tubu parbadaan di tonga-tonga ni dongan.

PODA 6:16 ပူးပေါင်းရင်းမြစ်များ

2 RAJA-RAJA 21:16

Na lobi bahat do dibunu si Manase halak na so marsala jabat do durus mudar sap di Jerusalem. I ma dosa na nibaennia tamba ni na mambaen halak Juda gabe mardosa tu Tuhan hara ni na mamele gana-ganaan.

JOB 5:19

Muda ro mara pangondam, sai na marpupu do ho nipalua.

MASMUR 11:5

Diuji Tuhan i do halak na denggan dohot sibaen hajahatan; halak na mangasahon hagogoon sai dihagigihon Ia.

MASMUR 5:7

Tapi hara ni holong ni rohaMu, tola do au masuk tu BagasMu, manungkap adop ingananMu, lalu marsomba tu Ho mardongan roha na marsitutu.

PODA 11:1

Goyak do roha ni Tuhan di halak na mamake timbangan na geduk; tapi di timbangan na jujur do rohaNia sonang.

PODA 11:20

Halak na marroha na jahat dihagigihon Tuhan; dihaholongi Ia do halak na mambaen na denggan.

PODA 12:22

Dihagigihon Tuhan do pargabus, tapi dihajopkon Ia do na burju.

PODA 17:15

Dihagigihon Tuhan do na patigorkon halak na so hasaya, jana na pasalahon halak na so marsala.

PODA 20:10

Timbangan dohot parsuhatan na geduk nada i di roha ni Tuhan na tumbuk.

PODA 20:23

Nada dihalomohon Tuhan na mangicu di kiloan dohot batu ni timbangan.

PODA 21:4

Mardosa do halak parjahat i, hara ni na nirajaan ni bulbul dohot ginjang ni roha i.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

PODA 30:18

Adong do opat parkaro na mamaoltu di au astuan:

PODA 30:21

Adong opat pangalaho na maol jagiton ni na satano on:

PODA 30:24

Adong do di tano on opat ragam binatang na menek tapi sun malona, i ma:

PODA 30:29

Adong do opat na pahomang roha muda niparrohahon sian pardalanna, i ma:

PODA 6:15

Hara ni parbuatanna i, ompot ma dondonan ni parmaraan halahi gabe mate ma halahi.

PODA 8:13

Biar mida Tuhan dos do i dohot na magigi mida hajahatan; nada huhagioti ginjang ni roha dohot hagakgakan. Goyak do rohangku mida pangalaho hajahatan, dohot hata-hata na mambaen haliluan.

JEREMIA 26:15

Tapi ingot hamu ma, muda dibunu hamu au, hamu noma dohot halak kota on mananggung hasalaan hara ni pamunuon maradopkon halak na so marsala. Angke Tuhan do na marsuru au laho palaluhon sipaingot i tu hamu.”

AMOS 1:11

Didok Tuhan, “Marpupu do mardosa halak Edom, hara ni i angkon hona uhum halahi baenonKu. Nada pakeonKu ibo ni roha, madung diporangi halahi halak Israel, angka kahanggi ni halahi i. Manigor muruk do halahi jana tongtong marhosom.

AMOS 1:3

Didok Tuhan ma, “Marpupu do halak Damaskus mardosa, hara ni i angkon hona uhum halahi Hubaen. Santak do kejamna pambaen ni halahi tu halak Gilead.

AMOS 1:6

Didok Tuhan ma, “Marpupu do mardosa halak Gasa, hara ni i angkon hona uhum halahi baenonKu. Dioban halahi do himpal sada bangso, jana digadis halahi ma i gabe hatoban tu halak Edom.

AMOS 1:9

Didok Tuhan, “Marpupu do mardosa halak Tirus, hara ni i angkon hona uhum halahi Hubaen. Dioban halahi do himpal sada bangso tu habuangan, jana dipasahat halahi tu Edom; dilanggar halahi do parjanjian parale-aleon.

AMOS 2:1

Songon on ma didok Tuhan, “Hara ni na dung mardosa halak Moab marhite tolu hajahatan, lopus tu opat hajahatan, nada tarikonKu be haputusanKi, angke madung ditutungi halahi holi-holi ni Raja Edom gabe hapur.

AMOS 2:4

Songon on ma didok Tuhan, “Hara ni na dung mardosa halak Juda marhite tolu hajahatan lopus tu opat hajahatan, nada tarikonKu be haputusanKi. Dilaosi halahi do angka parenta ni Tuhan, jana nada dimomosi halahi haputusanNia. Lilu do halahi dibaen angka debata na nisomba ni angka ompu ni halahi.

AMOS 2:6

Songon on ma didok Tuhan, “Hara ni na dung mardosa halak Israel marhite tolu hajahatan lopus tu opat hajahatan nada tarikonKu be haputusanKi, angke digadis halahi do angka halak na tigor hara ni hepeng jana halak na pogos hara ni sapasang solop.

ZAKARIA 8:17

Ulang ma baen hamu sangkap na jahat maradopkon hamu sama hamu, ulang dokkon sumpa na so tutu. Magigi do Au tu gabus dohot hageduhan bope na mangasahon gogo.”

PANGARATAION 23:18

Songon i hepeng na dapot sian dalan na songon i, nada tola obanon tu Bagas Ni Tuhan Debatamunu baen panggarar ni haul bagi aha, angke magigi do Tuhan tu angka panggampang di bagas pamelean ni angka debata na asing i.

PANGARATAION 24:4

Di na dua pangalaho on, nada tola halaklahinia na parjolo i mambuat ia mangulahi; angkon songon dadaboru na dung dipahodar do i idaonnia. Muda laing dipake ia dope i mangulahi, i ma sada pangalaho na pabilehon Tuhan. Nada tola baenonmunu dosa na songon i jahatna di tano na giot silehenon ni Tuhan i tu hamu.”

PANGARATAION 25:16

Magigi do Tuhan tu angka jolma na sai tagi manipu.”

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.