PODA 6:14 - BIBEL JAMITA NA DENGGAN

¹⁴ Angke na jahat sajo do dipikiri di bagasan rohania, na jat i anso mambaen parbadaan.

PODA 6:14 ပူးပေါင်းရင်းမြစ်များ

MASMUR 140:2

Sai na mambaen sangkap hajahatan do halahi dibagasan rohana jana ganop ari pabira-birahon parbadaan.

MASMUR 140:3

Songon ulok na marbisa do dila ni halahi songon rasun ni ulok sonduk angka hata ni halahi.

MASMUR 36:4

Di podomannia; dibaensa sangkap na jat, nada adong pangalahona na denggan nada unjung ditulak ia hajahatan.

PODA 14:22

Jagitonmu do pos ni roha dohot hasangapan muda dikarejohon ho na pade, tapi muda na jat do dikarejohon ho madung sala ho disi.

PODA 16:27

Dijalahi halak na jahat do dalan mangago na asing, hatana pe manjadi do marhite hajahatan.

PODA 17:20

Sada panipu indangkan na marhasonangan; halak sijuba-jabi mandapot parmaraan.

PODA 2:14

Dihajopkon roha ni halahi mambaen hageduhan jana dijalahi halahi do hapuasan ni rohana di bagasan parbuatan na jat.

PODA 21:8

Maralit-alit do dalan ni parjahat; sai na tigor do roha ni halak na burju roha.

PODA 22:8

Halak na manyuan na so tigor, sabionna ma hamagoan, ujungna mago muse ma kuasona.

PODA 24:8

Halak na sai mambaen sangkap hajahatan, goaron do i sipanggaori.

PODA 3:29

Ulang pikiri giot manyusai donganmu na donok tu ho, jana na manghaposi ho.

PODA 3:32

angke sogo do roha ni Tuhan mida halak na mambaen na jahat, tapi dipatulus Ia do sangkap ni halak na tigor.

JESAYA 32:7

Na jahat do halak na bodo i jana sai matua mambaen na jahat do i. Diakalkon ia do i laho mangago halak na pogos marhite gabus dohot na mangambatisa manjagit aturan bagianna humani.

JESAYA 57:20

Tapi anggo parjahat, songon laut na so jungada demak do i jana torus gumalusak. Marbalun-balun ombakna i marobani bustak dohot rompak-rompak.

JEHESKIEL 11:2

Didok Debata ma tu Au, “Ale jolma parsantongkinan, on ma da angka jolma na mambaen sangkap hajahatan di kota on dohot na mangalehen sipaingot na paliluhon.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

MIKA 2:1

Marjaya ma angka jolma na mambaen sangkap hajahatan taran modom di podomanna borngin-borngin, lalu dipadalan ia sangkap i dung torang ari hara ni na tumbuk tarpadalan ia.

SURAT NI SI PAULUS TU PARLAGUTAN ROM 16:17

Tapi hupaingot ma hamu, ale dongan, pardimata hamu ma angka na mangalo pangajaran na niguruhonmunu i, jana na mambaen parsalisian dohot pardandian. Padao hamu ma sian halahi.