PODA 5:22 - BIBEL JAMITA NA DENGGAN

²² Songon tirangkap do dosa ni jolma na jahat na manjorat halakna i sandiri.

PODA 5:22 ပူးပေါင်းရင်းမြစ်များ

1 RAJA-RAJA 18:18

“Nada au sibaen gaor,” ning si Elia, “Tapi raja i sandiri do, raja i dohot dongan sabagas ni raja i. Di na marsomba raja i tu angka gana-ganaan ni Baal dilaosi raja i ma angka na niparentahon ni Tuhan.

ESTER 9:25

Tapi kehe si Ester mangadop tu raja, jana dilehen raja i parenta na tarsurat, patunda ni i ma umbaen na madabu tu si Haman sangkapnia sandiri na jahat i, gabe lopus hona gantung ia dohot angka dakdanaknia di tiang gantungan.

JOB 18:8

Mardalan do ia mandapotkon jaring, gabe taralit patna i.

MASMUR 40:12

Dirongomi parmaraan na jorbut do au na so taretong bilanganna. Diayak-ayak angka dosangki do au nada tarbaen au be mangaligi. Bilanganna lobi sabahat ni obuk na di ulungku, na mambaen manderse rohangku.

MASMUR 9:15

Angka bangso na so mananda Ho angkon madabu tu lubang na nihuar ni halahi do. Tu jaring na nitaon ni halahi sandiri Ho mambaen tarjorat halahi.

MASMUR 9:17

Hamatean do bagian ni halak pardosa, angka bangso na so manghabiari Debata.

PODA 1:18

hape anggo angka halak na jahat i, suhar-suhar ni i do. Dihuar halahi do lubang, jana halahi sandiri do na runcur tu bagasan lubang i.

PODA 11:3

Halak na denggan ditogu hajujuronna; halak na sai margabus, dilantuk gabusna.

PODA 11:5

Dalan ni halak na denggan dipahornop hajujuran, tapi halak na jahat maroban dirina tu hamagoan.

PODA 11:6

Halak na jujur malua hara ni ias ni rohana; halak na so haposan, targompang hara ni songkalna.

PODA 12:14

Sian hata dohot parbuatanna do halak nitanda, jagitonna do upana marguru tu pambaenanna.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PODA 18:7

Hata ni halak na oto do manyegohon dirina; tardapot ia dibaen hata-hatana.

PODA 24:12

Bolas do dokkononmu, “Nada ahana i di au.” Tapi diboto Debata do pikiranmu jana adilanNa do ojahan ni pikiranmu. Dijago Ia do ngolumu jana baloskononNia do di ho marguru tu pambaenanmu.

PODA 26:27

Sanga ise na manghuar lubang tu halak na asing, runcur do i tu bagasan. Sanga ise manggulang batu, i do na nidondonanna.

PARJAMITA 7:26

Dapot au bahaso umpaet do dadaboru sian hamatean. Songon jala dohot tirangkap na cokang manangkup sitangkuponna do holong ni roha ni dadaboru. Panghaolna songon rante pambobok na togu. Malua do joratna i sanga ise na patuluskon lomo ni roha ni Debata, tapi anggo halak pardosa dapot do baenonna.

JEREMIA 2:19

Hajahatanmu sandiri do manguhumi dirimu; hona parkancitan ho hara ni na ditulakmu Au. Saonnari taonkon ma paetna dohot paniakna muda dihudukkon jana nada dipasangap ho Au. Au, Tuhan Debatamu madung mandok songon i; Au ma da Tuhan Debata Na Markuaso jana Na Gumogo.”

ANDUNG 1:14

Dibuat Ia sude dosangku jana dibobok Ia gabe sada, dipaborgokkon Ia muse i di rungkungku, dibaen dokdokna jabat gale au. Dipasahat Tuhan do au tu musu; laho mangalo halahi nada margogo au.

OBAJA 1:15

“Tutu do na dung donok arina, Au Tuhan giot uhumanKu angka bangso. Baloskonon ma tu Edom sandok na nibaennia. Jagitonnia ma mangulahi sanga aha na nilehennia.

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

IBRANI 13:4

Dipatuduhon ganop halak ma sangap di parsaripeonna, hara ni i angkon burju do na mardongan saripe tu donganna saripe i. Halak na markamainan dohot na mambaen na so ture adilan ni Debata do i.

HAKIM-HAKIM 20:41

Jana laing di hatiha i marbalik ma manigor pasukan inti ni Israel mangalo, jadi gabe mabiar ma tentara ni Benyamin i angke madung diboto halahi nada sadia lolot nari be talu ma halahi.

HAKIM-HAKIM 9:57

Jana diuhumi Tuhan do halak Sikem hara ni hajahatan ni halahi i. Topet do antong songon na nidok ni si Jotam anak ni si Gideon i taringot tu halahi di na nisumpaannia halahi.