PODA 5:20 - BIBEL JAMITA NA DENGGAN

²⁰ Ale anakku, biasi ma dilehen ho holong ni rohamu tu dadaboru na asing, biasi ma pola jopan rohamu di hajegeson ni dadaboru na asing?

PODA 5:20 ပူးပေါင်းရင်းမြစ်များ

1 RAJA-RAJA 11:1

Por ma roha ni si Salomo mida bahat dadaboru sian bangso na asing. Asing sian boru ni raja Mesir i, laing dibuat si Salomo do muse angka boru Het, boru Moab, boru Amon, boru Edom dohot boru Sidon.

PODA 22:14

Songon lobung do pamangan ni dadaboru panggampang halak na nimuruhan ni Tuhan, madabu tu bagasanna.

PODA 23:33

Ligionmu ma angka na so pade harana madung sala pangaligimu, jana gaor ma panghobarimu.

PODA 5:3

Angke songon tonggi ni aer ni loba do bibir ni dadaboru jalang jana umma-ummana lumandit sian miak zetun.

PODA 6:24

Angke jagohononnia do ho sian dadaboru jalang dohot sian hata ela-ela ni dadaboru na asing.

PODA 7:5

Padaoon ni habisuhon i ma ho sian dadaboru ni halak na asing na sai manggogo manangkup rohamu dohot hata na tonggi.

MALEAKI 2:14

Sapa-sapa hamu sanga hara ni aha umbaen na so dijagit Ia angka haulmunu. Anggo dalanna i ma hara ni na niboto ni Tuhan do na manguba janji hamu dohot dadaborumunu na dibuatmunu taran di haposoonmu. Anak boru i ma dongamunu sahangoluan, hape diose hamu do janjimunu tusia. Haru pe na dung marsumpa hamunu di jolo ni Debata mandok tongtong burju ho tusia.

MALEAKI 2:16

“Huhagigihon do parsirangan,” ninna Tuhan Debata ni Israel. “Goyak do rohangKu muda adong sahalak sian hamu na mambaen songon i jungkatna maradopkon dongan saripena. Manat ma hamu, ulang langgar hamu janjimunu na mandok burju tu dongan saripena.”