PODA 4:5 - BIBEL JAMITA NA DENGGAN

⁵ Marbisuk ma ho jana marroha! Argahon ma angka sipaingotku jana ulang halupahon.”

PODA 4:5 ပူးပေါင်းရင်းမြစ်များ

2 JUJUR TAON 34:2

Dipatupa ia do na pasonangkon roha ni Tuhan, diihutkon ia do tiruan ni Raja Daud ompuna i, jana dihaburjuhon ia do mangoloi uhum ni Debata sian sude rohania.

JOB 23:11

Burju do au tuSia jana setia; na so jungada do au manyimbil sian dalan na nitontuhonNia.

MASMUR 119:157

Bahat halak na mamusui dohot na manyosak au tapi nada hupasimbil paraturanMu.

MASMUR 119:51

Sun do bilena au dibaen siginjang roha, tapi nada manyimbil au sian TonaMu.

MASMUR 44:18

Nada rohanami mansoadahon Ho nada hami alo parenta na sian Ho.

PODA 16:16

Ummarga do dapotan habisuhon dohot parbinotoan, ulang pado dapotan sere dohot perak.

PODA 17:16

Parcuma do halak na bodo pangabis hepeng manjalahi hapistaran, angke nada adong disia pikiran na torang.

PODA 18:1

Halak na so malo margaul, diparrohahon hum tu dirina, pandapot ni halak na asing nada tarjagitsa.

PODA 19:8

Sanga ise na marayak parbinotoan, mangkaholongi dirina; sanga ise na marningot na niparsiajaranna, gabe maduma.

PODA 23:23

Angka tona ni Tuhan, bisuk, pangajaran, dohot pangastuion patut do tobusan sudena i, tapi maargatu do i gadison.

PODA 3:1

Ulang ma halupahon sanga aha na dung huajarkon tu ho, ale anakku. Sai paingot-ingot ma na huparentahon,

PODA 4:7

Pangalaho na umpenting angkon patulusonmu, i ma na parayakkon habisuhon. Sanga aha pe na nikojarmu, na umporlu, i ma angkon usahahononmu dapotan pangastuion.

PODA 8:5

Ale jolma na bajar jalahi ma hapistaran, ale jolma na oto parsiajari ma pangastuion.

JAKOBUS 1:5

Muda adong sanga ise sian hamu na hurang marroha, dipangido ia ma habisuhon sian Debata, gabe lehenon ni Debata ma disia habisuhon. Angke tu ganop halak do Debata mangalehen jana mardongan ibo ni roha.