PODA 4:26 - BIBEL JAMITA NA DENGGAN

²⁶ Jolo denggan ma nipikiran painte so nikarejohon, anso mardohar ho di bagasan sude parkarejoanmu.

PODA 4:26 ပူးပေါင်းရင်းမြစ်များ

MASMUR 119:5

Sai togu ma nian rohangku mandalankon angka aturanMu.

MASMUR 119:59

Madung hutimbangi pangalahongku, jana marjanji giot oloanku paraturanMu.

MASMUR 37:23

Diondihon Tuhan do sanga ise halomoan ni rohaNia, jana toguonNa do Ia di dalan ni ngoluna.

MASMUR 40:2

Ditarik Ia do au sian godung parmaraan, diela Ia do au sian ombik na bagas. Dibaen Ia au tu ginjang ni dolok batu, gabe sonang au.

PODA 15:21

Jop do roha ni na bodo di habodoon, tapi muda halak na bisuk dikarejohon ia do na sintong.

PODA 21:29

Nada diboto parjahat na maila, tapi muda halak partigor dipauba do pangalahona.

PODA 23:19

Tangihon ma, ale anakku! Marbisuk ma ho. Situtui ma mamparrohahon parngoluonmu.

PODA 4:25

Sian torang ni panailimu tarida ma nian hatigoran ni rohamu; ulang jabat unduk ho hara ni ila ni rohamu.

PODA 5:21

Diida Tuhan do sasude na nibaenmu, dijago Ia do ho sanga na tu dia pe ho kehe.

PODA 5:6

Nada dipikiri ia dalan hangoluan, madung manyirpang ia, jana nada diboto sanga aha sidalananna.

JEHESKIEL 18:28

Madung diboto ia torang sude pangalahonia lalu mantak ia mambaen dosa. Jadi di na songon i nada mate be ia, tapi tongtong noma mangolu.

HAGAI 1:5

Hara ni i ninna Tuhan Na Markuaso i ma, “Pamanat hamu ma dirimunu.”

HAGAI 1:7

Songon on ma hata ni Tuhan Na Markuaso, “Pamanat hamu ma dirimunu!”

EPESUS 5:15

Hara ni i, pamanat hamu ma dohot denggan pardalan ni ngolumunu. Ulang songon halak na oto ngolumunu, songon halak na marroha ma hamu.

EPESUS 5:17

Ulang hamu maoto, tapi sihiri hamu ma sanga aha giot ni Tuhan i sibaenonmunu.

1 TESSALONIKA 3:13

Jadi muda songon i, tarbaen Tuhan ma patoguhon rohamunu, anso gabe badia hamu jana nada adong sigorahonon di adopan ni Debata Amanta, di haroro ni Tuhanta Jesus rap dohot sudena halak na gabe nampunaNia.

2 TESSALONIKA 3:3

Tapi haposan do anggo Tuhan i. PatoguonNia do hamu jana jagohononNa sian na jahat.

IBRANI 12:13

Di dalan na hornop ma hamu mardalan, anso ulang tarbalingsu patmunu, tapi mur tu malumna ma.

1 PETRUS 5:10

Tapi dung ditaon hamu santongkin parkancitan i, Debata sandiri noma mambaen hamu gabe sanggam. PajongjongonNia ma hamu jana patoguonNia dohot parjugukmunu pe pahotonNia muse ma. Angke Debata parroha na sun denggan do Ia, na mamiohon hamu anso dohot mangkilala hasangapanNia na manongtong i markite-hite Kristus.