PODA 4:23 - BIBEL JAMITA NA DENGGAN

²³ Jagohon ma pikiranmu denggan, harana pikiranmi do manontuhon pardalan ni ngolumu.

PODA 4:23 ပူးပေါင်းရင်းမြစ်များ

PODA 11:16

Dadaboru na pardenggan basa dapotan hasangapan, halak na kejam palagutkon sinadongan.

PODA 13:3

Halak na jamot mandok hatana, gabe aman; halak na purpur hatana dondonan ni partinaonan.

PODA 16:17

Pasimbil hajahatan i do dalan na tutu, sanga ise na manjago dalanna, i do manjagohon hosana.

PODA 22:5

Tirangkap dohot jorat adong do i di dalan ni halak ma jahat; sanga ise na giot manjagohon ngoluna, dipadao ma dirina sian i.

PODA 23:19

Tangihon ma, ale anakku! Marbisuk ma ho. Situtui ma mamparrohahon parngoluonmu.

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

PODA 3:21

Antong hara ni i, marsitiopan ma ho tu habisuhon dohot tu roha na denggan, ale anakku! Sanga na bia pe ulang palua i,

PODA 4:7

Pangalaho na umpenting angkon patulusonmu, i ma na parayakkon habisuhon. Sanga aha pe na nikojarmu, na umporlu, i ma angkon usahahononmu dapotan pangastuion.

PARJAMITA 5:13

Huida do di tano on sada pangalaho siarsakkonon: Sada halak na palagut arta tu hamamasa ni hamagoan.

JEREMIA 17:9

Nada tardodo anggo roha ni jolma umbisuk do i sian sasudena jana sun antong jahatna.

MATEUS 15:18

Tapi anggo na ruar sian pamangan ni halak, i ma na ro sian rohana. I do na pahodarkon ia.

MATEUS 15:19

Harana sian roha i do haroroan ni angka pikiran na jat, gabe mamunu jolma, mangalangkup, mambaen na so ture, manangko, margabus, dohot na manilakoi.

MARKUS 14:38

Dung i didok Jesus ma tu halahi, “Jonggor ma hamu, tangiangkon hamu ma anso ulang talu hamu di ujian i. Tutu do nian sai giot mambaen na sintong do anggo tondimunu tapi nada margogo hamu patuluskonsa hara ni bako ni jolma na gale i.”

LUKAS 6:45

Sada halak na denggan sai pangalaho na denggan do ro sian i, i ma simpan-simpanan na adong di bagasan ate-ate na denggan. Tapi sada halak na jahat sai pangalaho na jat do ruar sian i, i ma simpan-simpanan na di bagasan ate-ate na jat i. Angke sanga aha na manggohi roha ni jolma di bagasan ate-atena, sai i do dipardokkoni.”

PANGARATAION 4:9

Parrohahon jana denggan ingot hamu, anso ulang lupa hamu sapanjang mangolu di sude na nisaksihonmunu sandiri. Baritahon hamu ma i di pomparanmunu,

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.