PODA 4:1 - BIBEL JAMITA NA DENGGAN

¹ Hamu ale dakdanak, tangihon hamu ma sipaingot ni amangmu! Parrohahon ma i, jadi gabe marbisuk ma ho.

PODA 4:1 ပူးပေါင်းရင်းမြစ်များ

PAMUNGKAAN 49:2

Marlagut ma jana tangihon hamu ma, ale angka anak ni si Jakob. Parrohahon hamu ma si Israel, amangmunu.

MASMUR 34:11

Tangihon ma, sude hamu angka dakdanak, huajari hamu pasangapkon Tuhan.

PODA 1:2

Tujuanna, i ma na laho mangurupi halak anso marbisuk, manjagit sipaingot na denggan, dohot mangastui angka pandohan na bagas artina.

PODA 1:8

Parrohahon ma sanga aha pangajaran ni natorasmu tu ho, ale anakku,

PODA 13:1

Diparrohahon dakdanak na bisuk do poda ni amangna, tapi muda halak na bulbul nada ra manangihon sipaingot.

PODA 19:20

Tangihon ma poda, jana parhagiot ma parsiajaran, anso marbisuk ho.

PODA 22:17

Tangihon ma, anso huajarkon tu ho poda ni halak na marroha! Parrohahon ma pangajaran i,

PODA 5:1

Ale anakku parrohahon jana tangihon ma habisuhonku dohot pangastuionku,

PODA 7:4

Etong ma di rohamu habisuhon i kahanggimu dohot parbinotoan i donganmu na solkot.

JEREMIA 35:8

Sude na niparentahon ni si Jonadab tu hami, hami oloi do i. Salolot mangolu, nada minum anggur hami dohot angka dadaborunami, angka dakdanaknami halaklahi bope dadaboru.

IBRANI 2:1

Hara ni i ma umbaen na porlu hita mur manat tu angka na hita bege, anso ulang mayup hita.