PODA 31:9 - BIBEL JAMITA NA DENGGAN

⁹ Manghatai ma ho pajongjongkon hatigoran. Pahot ma hak ni halak na pogos dohot na dangol.”

PODA 31:9 ပူးပေါင်းရင်းမြစ်များ

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

JOB 29:12

Angke huurupi do antong halak na pogos na mangido tolong; hutungkoli do na tinggal menek, so adong pangondianna.

MASMUR 82:3

Ondihon hamu ma na so marama dohot halak na gale, lehen ma hatigoran tu na pogos dohot na malarat.

PODA 16:12

Di na markuaso, jorbut do na mangkarejohon hajahatan, angke hara ni hatigoran do togu pamarentaanna.

PODA 20:8

Muda mangadili raja, dipareso ia do sudena, jana dibuka ia sandok hajahatan.

PODA 29:7

Diboto halak na burju do hak ni halak na gale, tapi anggo halak na jahat nada diastuisa be.

JESAYA 1:17

marsiajar ma hamu mambaen na denggan. Gogohon hamu ma anso tulus mardalan hatigoran – urupi ma halak na hona hapit; pasahat ma tu na so marama so marina na patut bagianna jana ondihon hamu ma angka na mabalu.”

JESAYA 1:23

Angka pamimpinmu halak na sai mangalo do jana kaki tangan ni panangko; sai dihagioti halahi do manjagit silua dohot suap. Nada unjung halahi ra mangondihon na so marama so marina di pangadilan; nada diampirkon halahi angka na mabalu na mangaduhon parkarona.

JESAYA 11:4

Markite-hite hatigoran do ditimbang ia parkaro ni halak na pogos; diondihon ia hak ni halak na gale lopus dapot, halak parsala diuhumi hara ni parentania, halak na jahat dipusa ia.

JEREMIA 22:3

“Tigor jana jujur ma pambaenanmunu! Palua ma halak na hona incop sian tangan ni halak na mangincopsa. Ulang ma manjahati sanga manyosak hamu tu halak na leban, dakdanak na so marama so marina, sanga na mabalu. Ulang ma bunu hamu halak na so marsala di inganan on, ninna Tuhan.

JEREMIA 23:5

Didok Tuhan ma, “Dapot do i hatihana, patubuonKu ma di pomparan ni si Daud sada tunas na tigor. Marhite bisuk mamarenta raja i, jana patulusonna hatigoran dohot hatutuan di sandok luat.

JEREMIA 5:28

boti mamokmok be jana maduma. Nada marbolat hajahatan ni halahi. Disoadahon halahi do hak ni na so marama so marina, jana nada diondihon halahi angka halak na hona sosak.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

HAMALIMON 19:15

Angkon tigor jana bonar do ho mandabu uhum di parkaro, ulang ampini na miskin di na so dalanna jana ulang mabiar ho mida halak na mora.

ZAKARIA 7:9

“Songon on ma hata ni Tuhan Na Markuaso i, ‘Karejohon ma angka tona na tigor jana maribo ni roha dohot marroha na denggan maradopkon donganmunu jolma.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

JOHANNES 7:24

Ulang ma marojahan tu na tarida sajo hamu muda manguhumi halak, tapi uhum na tigor ma baen hamu.”

PANGARATAION 1:16

Hubaen do di hatiha i karejo ni halahi songon on, ‘Parrohahon hamu ma angka salisi na masa di tonga-tonga ni bangsomunu. Baen hamu ma haputusan na tigor, sanga na mardomu tu bangsomunu sajo parkaro i bope na mardais tu halak na asing na tinggal rap dohot hamu.

IBRANI 1:9

Hatigoran do giot ni rohaMu jana magigi do Ho di na sala; i ma dalanna umbaen na nipili ni Debata Ho, i ma DebataMu jana dipasonang rohaMu dohot hasangapan na sumurung sian angka donganMu.”

HALUMBAAN 19:11

Dung i huida ma mungkap banua ginjang, haruar ma sada kudo na bontar, jana na juguk di ginjangna i margoar, “Na Setia dohot Na Sintong,” jana markite-hite hatigoran do Ia manguhumi dohot marporang.

1 SAMUEL 19:4

Dung i dihatahon si Jonatan ma angka na denggan salaho tu si Daud tu si Saul, “Amang, ulang ma antong mardosa ho maradophon si Daud naposomi. Harana nada adong hasalaan dibaen ia tu amang, balikna do, na dung bahat do na denggan dibaen ia tu amang.

1 SAMUEL 20:32

Jadi dialusi si Jonatan ma, “Biasi angkon sai mate ia? Aha dosania?”