PODA 30:17 - BIBEL JAMITA NA DENGGAN

¹⁷ Halak na mangincahi amangna sanga inangna na dung matobang, patutna do disampakkon tu ruar anso diturbing sigawak matana i jana dipangan rajawali bangkena i.

PODA 30:17 ပူးပေါင်းရင်းမြစ်များ

2 SAMUEL 21:10

Dung i dipahembang si Rispa rading ni si Saul i ma abit goni disia di ginjang batu inganan ni angka bangke i mambustang. Nada morot si Rispa sian i sian na mamungka sabion lopus tu haroro ni udan di musim nonat. Nada diloas ia angka unggas manghahua bangke i muda arian sanga diganggu binatang muda di borngin ni ari.

PODA 15:20

Anak na marroha, pasonang roha ni amangna; anak na oto nada mangargahon inangna.

PODA 20:20

Muda diburai ho simatobangmu, mago ma ngolumu songon lampu na mintop di borngin na golap.

PODA 23:22

Oloi ma amangmu; angke nada adong ho anggo so hara ni ia. Muda dung matobang inangmu, patuduhon ma paboa na niargahonmu ia.

PODA 30:11

Adong do halak na pasumpahon amangna jana na so mangargahon inangna.

PODA 30:18

Adong do opat parkaro na mamaoltu di au astuan:

HAMALIMON 20:9

Dilehen Tuhan dope deba nari angka aturan na mangihut muse, “Sanga ise na mamurai amana sanga inana, angkon mate uhumon. Hamamatenia i, i ma hara ni salania sandiri.

MALEAKI 1:6

Didok Tuhan Na Markuaso i ma tu angka malim, “Dipasangap anak ma amana, jana dipasangap naposo ma tuanna. Amangmu do Au; biasi nada dipasangap hamu Au? Tuanmunu do Au. biasi nada mabiar hamu mida Au? Dipalayas hamu Au, hape laing puluk muse do hamu manyapai, ‘Bia ma he hami baen palayaskon Ho?’

PANGARATAION 28:26

Muda mate ho, marroan ma angka unggas dohot binatang panyoro jana papangananna ma bangkemunu, jana nada adong sahalak pe na mangayak angka binatang i.

1 SAMUEL 17:44

Pio-pio muse ma ia tu si Daud, “Tole, ro ma ho! Anso hulehen pamatangmi di unggas dohot binatang baen panganonna.”