PODA 30:12 - BIBEL JAMITA NA DENGGAN

¹² Adong do halak na mangetong ias dirina hape nian na santak do hodarna.

PODA 30:12 ပူးပေါင်းရင်းမြစ်များ

JOB 33:9

Didok ho, ‘Nada au mangalaosi. Nada adong au targora bope na mambaen sala.

MASMUR 36:2

Hara ni ginjang ni rohana, diambang ia na so diboto Tuhan dosania jana nada uhumanNa ia.

MASMUR 51:2

Basu ma sude hajahatanku paias ma au sian sude dosangku.

MASMUR 51:7

Buat ma dosangki, gabe ias ma au; basu ma au, jadi gabe umbontar ma au sian hapas.

PODA 16:2

Tigor do sude dalan ni halak di rohania sandiri, tapi Tuhan do manimbangi angka roha.

PODA 21:2

Mungkin tigor do sude pambaenanmu di panatapanmu, tapi Tuhan do manimbang maksud ni rohamu.

JESAYA 1:16

Basu hamu ma jolo dirimunu lopus ias. Antak hamu ma sude hajahatan na nibaenmunu i. Olo, ulang be didatdati hamu mambaen na jat,

JESAYA 65:5

Dung i didok halahi ma tu halak na asing, ‘Kehe ho, padao; sun do badianami ulang ho dais tu hami!’ Au Tuhan, nada tahan Au paida-ida jolma sisongon i. Songon api na so ra mintop do muruk ni rohangKu maradopkon halahi.

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

JEREMIA 4:14

O Jerusalem, ambungkon ma hajahatan sian bagasan rohamu anso dipalua ho. Sadia honok nari angka pikiran na jahat i sai simpan-simpanonmu di bagasan rohamu?

JEHESKIEL 36:25

Dung i pispisonKu ma hamu dohot aek na lan, anso ias hamu sian sude gana-ganaanmunu dohot sian sasude na pahodarkon hamu.

HOSEA 12:9

‘Saonnari mamora hita,’ ninna halahi, ‘Maruntung hita! Sahalak pe nada adong tarbaen manudu hita dapotan hamoraon i sian dalan na geduk.’

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

LUKAS 16:15

Tapi didok Jesus ma tu halahi, “Hamu ma angka na mandok di jolo ni halak, sai na tigor hamu. Tapi diboto Debata do isi ni rohamunu. Angke sanga aha na nietong ni roha ni jolma na gincat, i ma na toruk di panatapan ni Debata.

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

1 KORINTUS 6:11

Songon i hian do deba sian hamu najolo. Tapi anggo saonnari madung dipaias hamu sian dosa, madung diparbadiai, jana madung dipatigor hamu di bagasan goar ni Tuhan Jesus Kristus dohot di bagasan Tondi Ni Debatanta.

2 TIMOTEUS 3:5

Haru pe di sihapataran ringgas halahi mandalankon angka na niaturkon ni ugamo, tapi anggo hagogoon ni ugamo i sandiri nada adong be diboto halahi. Padao ma ho sian angka halak sisongon i.

TITUS 3:5

Dipalua Ia do hita, nada hara ni na tabaen sanga aha na denggan, tapi hara ni ibo ni rohaNia sandiri do tu hita. Dipalua Ia do hita markite-hite Tondi Parbadia na mangalehen hasosorang na imbaru dohot ngolu na imbaru marhite na paiaskon hita.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HAKIM-HAKIM 17:13

Jadi ninna si Mika ma, “Antong, saonnari madung pos rohangku sai baenon ni Tuhan ma na denggan tu au, angke madung adong sada halak Levi di au na gabe malim.”

HAKIM-HAKIM 17:5

Si Mika sandiri pe na dung adong do sada inganan parsombaannia jana dibaen ia angka patung ni gana-ganaan dohot sada efod. Madung diangkat ia muse do sahalak anaknia gabe malim.