PODA 3:9 - BIBEL JAMITA NA DENGGAN

⁹ Pasangap ma Tuhan marhite na manghaulkon na dumenggan sian suha ni tanomu tuSia,

PODA 3:9 ပူးပေါင်းရင်းမြစ်များ

PAMUNGKAAN 28:22

Jana lehenonku ma di Ho saparsampulu ni sandok na nilehenMu di au. Batu parningotan, na hupajongjong on, gabe inganan parsombaan tu Ho ma i.”

2 JUJUR TAON 31:10

didok sintua ni Malim Asarya sian pinompar ni si Zadok ma tu raja i: “Sian dung dipungka halak mamboan silehen-lehen tu Bagas Ni Tuhan; sai mangan do hami jana butong jana marlobi-lobi dope bahat sajo; angke madung dipasupasu Tuhan bangsoNia, hara ni i do umbaen na lobi angka guguan on.”

2 JUJUR TAON 31:21

Marhasil do ia hara ni sude na nibaennia tu Bagas Ni Debata sanga na nibaennia laho mangoloi Tona Ni Tuhan, dibaen ia do sian situtu ni rohania hara ni holong ni rohania tu Tuhan Debatania.

MASMUR 144:13

Sai bubung ma nian angka soponta marisi dohot sude suha ni karejonta i. Sai sinur ma angka biri-biri na tapahan di padang mamopari lopus marpulu ribu bahatna.

HARURUAR 22:29

Haulkon ma tu Au deba sian suha ni ememu, sian aek ni anggurmu, sian miak ni zetunmu muda mandapot hasil hamu. Pasahat ma tu Au angka dakdanakmunu siangkaan.

HARURUAR 23:16

Pestahon hamu ma Pesta Gotilon di na mamungka mambuat patumonaan ni suha ni suan-suananmunu hamu. Pestahon hamu ma dohot Pesta Bandar Bulung-bulung ganop ujung ni taon di na mamutik suha ni kobun anggur sanga kobun suan-suanan na marbatu hamu.

HARURUAR 23:19

Ganop taon angkon obanonmunu do tu Bagas Ni Tuhan Debatamunu eme patumonaan ni suha ni sabamunu. Ulang lompa hamu anak ni biri-biri sanga hambeng di bagasan susu ni indukna.”

HARURUAR 34:26

Na dumenggan sian patumonaan ni suha ni ememunu ganop taon angkon i do obanonmu tu Bagas Ni Tuhan. Ulang lompa hamu anak ni hambeng di bagasan susu ni indukna.”

PODA 11:25

Halak na mangalehen pasupasu, mur bahat manjagit pasupasu, halak na sai manolong, laing dapotan tolongan ia.

PODA 14:31

Na pasangap Debatana do sanga ise na mambaen na denggan tu na pogos; na pabile na manompasa do halak na manyosak na gale.

JESAYA 43:23

Nada Hupaksa ho maroban bahat haul, nada Hususai ho marhite na mangido hamonyan. Hape nada dioban ho biri-biri baen haul situtungon, jana nada dihormati ho Au marhite parhaulan.

HAMALIMON 19:25

Dung pe di taon palimahon anso tola panganonmu batuna. Muda dipatulus ho sude paraturan on mur martamba ma batu ni suan-suananmu. Au do Tuhan Debatamu.

BILANGAN 15:20

Muda ditutung hamu roti sian gandum na parjolo disabi, roti na parjolo angkon haulkononmunu gabe haul hapunjungan tu Tuhan. Pangalaho ni na giot manghaulkon i dos dohot pangalaho di na manghaulkon gandum parjolo na nigilingmunu.

MATEUS 25:17

Laing songon i muse ma na manjagit dua ribu hepeng perak i, maruntung ma ia dua ribu hepeng perak.

1 KORINTUS 16:2

Ganop Ari Minggu, painding hamu ma ganop be marguru tu pangomoanna be. Simpan hamu ma hepeng i lopus ro au, anso ulang pola papungu-punguhon be muda dung lalu au.

PANGARATAION 14:29

I ma panganon baen di halak Levi, angke nada adong antong tano ni halahi, songon i di halak na asing, di na so marama so marina dohot di angka na mabalu na maringanan di angka hutamunu. Tola do halahi ro dohot mambuat sandok na porlu di halahi. Muda dibaen hamu songon i gabe pasupasuon ni Tuhan Debatamunu ma hamu di sude na nikarejohonmunu.”