PODA 3:5 - BIBEL JAMITA NA DENGGAN

⁵ Haporsayai ma Tuhan sian sude rohamu, jana ulang pangasahon pangartianmu sandiri.

PODA 3:5 ပူးပေါင်းရင်းမြစ်များ

ESRA 8:23

Jadi gabe marpuaso ma hami dohot martangiang tu Debata mangido anso dijagohon Ia hami, jana dipatulus Ia do antong tangiangnami i.

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

MASMUR 125:1

Sanga ise na porsaya tu Tuhan, i ma na songon Dolok Sion, na togu nada tarhutur, jana tohong nada targulotkon salolot-lolotna.

MASMUR 37:3

Haporsayai ma Tuhan jana baen ma na denggan, anso sonang ho di tano i maringanan.

MASMUR 37:5

Pasahat ma ngolumu tu Tuhan, tuSia ma ho mararop roha, dumpang ma tolonganNia.

MASMUR 37:7

Pasonang ma rohamu paintehon Tuhan, sobar ma ho paima-imahon lopus dibaen Ia tindakan. Ulang mangiburu mida halak na mardohar, na mandapot hara ni na paoto-otohon.

MASMUR 62:8

O hamu bangsongku, sai tu Debata ma hamunu mararop roha, usehon ma isi ni rohamu tuSia, angke Ia do inganan parsiholipanta.

PODA 22:19

Giotku sugari nian, Tuhan ma sihaporsayaanmu; jadi saonnari paboaonku ma tu ho angka pangajaran i.

PODA 23:4

Ulang nihalojahon laho makayo, tinggalkon ma hagiotmi.

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

PODA 3:7

Ulang etong dirimu na ummalo sian satutuna; oloi ma Tuhan, jana pasimbil ma hajahatan.

JESAYA 12:2

Debata do da haluaanku, porsaya tuSia do au. Nada adong na mambaen au mabiar, angke Tuhan Debata do hagogoanku dohot ende-endengku, Debata do na paluahon au, Ia do haluaanku.

JEREMIA 10:23

Huboto do ale Tuhan, sahalak pe nada margogo manontuhon dalanna sanga mangatur pardalan ni ngoluna.

JEREMIA 9:23

Didok Tuhan ma, “Nada pola manggodang na pistar hara ni hapistaranna, halak na gogo hara ni hagogoanna, dohot halak na kayo hara ni sinadonganna.

BILANGAN 9:20

Tapi huhul hum sanga piga-piga ari ombun i di ginjang ni Bandar Parmianan. Sanga na bia pe, marguru tu parenta ni Tuhan i do na manontuhon laing tinggal sanga pinda halahi.

BILANGAN 9:22

Bope na hum dua ari, sabulan, sataon sanga lobi, salolot tinggal ombun i di ginjang ni Bandar Parmianan Ni Tuhan nada morot halahi.

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

EPESUS 1:12

boti anso hita na dung parjolo mararop ni roha tu Kristus i, mangolu laho mamuji Debata hara ni hagodanganNia i!