PODA 3:34 - BIBEL JAMITA NA DENGGAN

³⁴ Dipaila Ia do halak sigincat roha, tapi dipasupasu Ia do halak na toruk roha.

PODA 3:34 ပူးပေါင်းရင်းမြစ်များ

MASMUR 138:6

Na godang do Ho, hape laing diparrohahon Ho muse do halak na menek, nada tarbaen halak siginjang roha martabuni sian joloMu.

MASMUR 18:26

Ias do rohaMu tu halak parroha na bulus, tapi dialo Ho do halak pargabus.

PODA 1:26

Hara ni i, muda mago hamu, partataanku ma hamu. Muda mabiar hamu, incahanku ma hamu.

PODA 14:9

Halak na bodo nada parduli haru pe ia mardosa; halak na denggan por rohana dosana disesa.

PODA 16:19

Gumonan do toruk roha jana nada marsinadongan, ulang pado maniru halak na gakgak jana mangarasoi sinadonganna sian hageduhon.

PODA 19:29

Jolma na oto na ginjang roha pasti do i hona balbalan.

PODA 21:24

Jolma na oto jana siginjang roha sai mangincahi do i jana pamalo-malohon.

PODA 9:12

Muda adong di ho habisuhon, ho sandiri do na maruntung. Tapi muda ho do na manulak habisuhon, ho muse do na marugi.

JESAYA 57:15

Angke songon on do pandok ni Na Gumincat jana Na Marmulia na marhabangsa salolotna jana Na Sun Badia goarNa: “Di inganan na gincat jana badia do habangsangKu, tapi rap muse do dohot halak na magopu jana na toruk rohana, laho pangoluhon arop ni roha ni halak na toruk roha dohot laho pangoluhon roha ni halak na magopu.

JAKOBUS 4:6

Haru songon i pe, gumogo dope asi ni roha ni Debata na nilehenNa i di hita ulang pado hagiot ni rohanta i. Hara ni i do umbaen na laing tarsurat di Buku Na Badia i muse, “Dialo Debata do halak siginjang roha, tapi asi do rohaNia anggo tu halak na toruk roha.”

1 PETRUS 5:5

Laing songon i ma hamu angka na poso! Oloi hamu ma angka halak na matobang. Angkon sude do hamu patoruk dirina jana marsioloan di bagasan haserepon ni roha. Harana tarsurat do di Buku Na Badia i songon on, “Dialo Debata do halak siginjang roha, tapi dihaholongi Ia do halak na serep roha.”