PODA 3:33 - BIBEL JAMITA NA DENGGAN

³³ Diburai Tuhan do bagas ni parjahat, tapi dipasupasu do bagas ni partigor.

PODA 3:33 ပူးပေါင်းရင်းမြစ်များ

2 SAMUEL 6:11

Tolu bulan honokna disi Poti Parjanjian i, jana dipasupasu Tuhan do si Obed-Edom dohot dongan sabagasnia.

JOB 24:18

“Mayup do anggo parjahat baenon ni aek magodang, hona bura ni Debata tanona bope ladang; mamolngit noma kobun anggurna; nada adong be halak mangkarejohonsa.

JOB 31:12

Songon api narako do dosa i mamusa, sandok sinadonganku abis ma ditutungisa.

MASMUR 1:3

Tarsongon hayu na di topi ni batang aek do ia, na marbatu di hatihana, boti pe nada jungada malos bulungna, mardohar do halahi di na nikarejohonna.

MASMUR 37:22

Sanga ise na nipasupasu ni Tuhan, i do na dapotan tano, hape anggo halak na niburaanNia, usiron do i kehe.

MASMUR 91:10

Gabe nada hona bala be ho, bagasmu nada boluson ni tilako.

PODA 10:6

Maruli pasupasu do halak na denggan. Martabuni do hakejamon di balik ni hata ni halak na jahat.

PODA 14:11

Bagas ni halak na denggan tong do togu, bagas ni halak na jahat marayak maronco.

PODA 15:6

Sinadongan ni halak na denggan sai na hot do adong; sinadongan ni halak na jahat mago do hara ni hasusaan.

PODA 21:12

Diboto Debata Na Sun Tigor i do na masa di bagas ni jolma na so hasaya. Dijulungkon Ia ma halahi lopus gabe pusa.

MALEAKI 2:2

Ninna Tuhan Na Markuaso: “Muda nada ditangihon, jana nada diparate-atehon hamu laho pasangapkon goarKu, baenonKu ma bura tu tonga-tongamunu jana angka pasupasumu gabe bura, jana madung Hubaen i gabe bura, harana nada diparate-atehon hamu.

PANGARATAION 11:28

tapi hona bura ma hamu, muda nada dioloi hamu angka parenta i, jana marbalik hamu marsomba tu angka debata na asing na so nisombamunu di hatiha na salpu.

PANGARATAION 7:26

Sada pe sian angka patung i ulang jabat dioban hamu tu bagasan bagasmunu, anso ulang madabu tu hamu bura na di ginjang ni halahi. Angkon magigi do hamu jana angkon layas do idaonmunu angka patung i, angke na hona bura ni Tuhan do i.”

JOSUA 6:18

Nada tola buatonmunu sanga na aha pe sian na patut sironcohononkon. Muda dibuat hamu i, ro ma parmaraan mandondoni parbandaran ni Israel.

JOSUA 7:13

Saonnari jongjong ma ho Josua! Paias ma halak Israel jana suru ma halahi hobas laho mangadop tu Au. Parentahon ma halahi anso markobas-hobas ancogot, harana Au Tuhan Debata ni Israel, giot mandok tu halahi songon on: ‘O hamu angka halak Israel! Angka barang-barang na dung Huparentahon tu hamu angkon dironcohon, adong deba di hamu. Painte so diambungkon hamu angka barang-barang i, nada tarbaen hamu martahan mangalo musu i!’