PODA 3:3 - BIBEL JAMITA NA DENGGAN

³ Sai totop ma ho marholong ni roha jana pangalahomu pe setia tu Debata dohot tu donganmu. Paingot-ingot ma i jana simpan di bagasan rohamu,

PODA 3:3 ပူးပေါင်းရင်းမြစ်များ

2 SAMUEL 15:20

Nada sadia lolot dope ho dung dison, nada patut giot suruonku ho dohot mimbarimbar rap dohot hami. Au sandiri nada huboto dope sanga na giot tu dia au kehe. Mulak ma hamu jana oban ma sude angka donganmu sabangso i – sai holong nian roha ni Tuhan tu ho jana sai ibo do rohaNia tu ho.”

MASMUR 119:11

Madung husimpan pangajaranMu di bagasan rohangku, anso ulang mardosa au maradopkon Ho.

MASMUR 25:10

Tu halak na patulus parjanjian dohot aturanNia dibaen Ia holong ni roha dohot habonaranNia.

MASMUR 85:10

Marsuo ma da holong dohot habonaran dame dohot hatigoran marsihaolan.

HARURUAR 13:9

Pesta on ma songon singot-singot di hamu tudos tu na nitambatkon di tangan sanga di bohimu. Marhite pesta on, gabe dipaingot hamu anso diapil jana diparsiajari hamu angka Uhum Ni Tuhan, harana madung diparuar Tuhan hamu sian Mesir marhite kuasoNa na godang i.

HARURUAR 34:6

Dung i mardalan ma Tuhan mamolus sian jolo ni si Musa jana pio-pio, “Au, Tuhan, Au do Debata parholong jana paribo roha. Na gok holong do Au, setia jana na lambok.

PODA 1:9

angke songon hiasan bunga-bunga do i di ulumu, jana songon borgok do i di rungkungmu na pajegeskon rupamu.

PODA 14:22

Jagitonmu do pos ni roha dohot hasangapan muda dikarejohon ho na pade, tapi muda na jat do dikarejohon ho madung sala ho disi.

PODA 16:6

Setia jana porsaya ma ho, gabe sesaon ma dosamu, jana oloi ma Tuhan anso dao ma hajahaton sian ho.

PODA 20:28

Muda mardongan hatigoran, holong dohot setia raja mamarenta, gabe totop ma markuaso ia.

PODA 6:21

Simpan ma i di bagasan rohamu, jana parborgok ma i.

PODA 7:3

Sai paingot-ingot ma tongtong angka pangajaranki, jana simpan ma i di bagasan rohamu.

JEREMIA 17:1

Didok Tuhan ma, “Madung tarsurat dosa ni Juda marhite pena bosi na marmata intan, taruhir di ateatemunu dohot di langgatan ni halahi.

HOSEA 4:1

Adong do parkaro ni Tuhan dohot halak luat on. Tangihon ale Israel, sanga aha na nidokNia, “Nada adong na tutu, nada adong holong ni roha jana halak luat on pe nada dioKu Au Debata.

MALEAKI 2:6

Ajarkonon ni halahi ma na sintong, nada be na marsalaan. Hombar tu hagiotKu noma parngoluon ni halahi. Bulus noma parrohaon ni halahi jana solkot parngoluonna dohot Au, nada hum na denggan be baenon ni halahi, tapi urupan ni halahi muse ma halak na asing anso ulang be mambaen na jahat.

MATEUS 23:23

Marjaya ma hamu angka Siboto Surat dohot angka Parise! Pangalancap do hamu! Dilehen hamu do parpuluan ni pulungan ni bulung-bulung ni parmasak dohot silalat dohot jintan tu Tuhan. Hape anggo angka pangalaho na ummarga sian angka tona i, umpamana rupani: Hatigoran, asi ni roha, haburjuon, nada diterge hamu be. Angkon i do nian parjolo baenonmunu so pola mangkalupahon na asing-asing i muse.

2 KORINTUS 3:3

Idaon ni halahi sandiri do i paboa na songon surat ni Kristus hamu na nisuratkon markite-hite hami. Nada dohot tinta dibaen surat i, tapi dohot Tondi Parbadia na mangolu i do; nada di ginjang ni batu tulis muse, tapi di ate-ate ni jolma do.

EPESUS 5:9

Angke sian na torang i do haroroan ni sasude ragam ni parange na denggan jana na bonar di panatapan ni Debata.

PANGARATAION 6:8

Tambatkon ma i di tanganmu jana lilitkon di bohimu baen sipaingot-ingoton.

IBRANI 10:16

“ ‘On ma janji na giot baenonKu dohot halahi tu ari na giot ro,’ ninna Tuhan i, ‘SuratkononKu ma angka TonangKu tu bagasan roha ni halahi, jana suankononKu ma i tu pikiran ni halahi.’