PODA 3:25 - BIBEL JAMITA NA DENGGAN

²⁵ Nada porlu ho mabiar salaho tu parmaraan na ompot ro songon halingsungsung jana na mangalingkup angka halak na jahat.

PODA 3:25 ပူးပေါင်းရင်းမြစ်များ

MASMUR 112:7

Nada mabiar ia manjagit barita na jat, porsaya do ia tu Tuhan jana togu rohana.

MASMUR 73:19

Maronco halahi di bagasan sangkinidop mata, jorbut ma da hasidunganna.

MASMUR 91:5

Ulang pola mabiar ho baenon ni parmaraan borngin, sanga baenon ni na manyonggot di arian.

PODA 1:27

Olo, incahanku ma hamu muda hancitan hamu jana mangae hara ni na hona parmaraan na ro songon halingsungsung.

JESAYA 54:14

Di gincat ni hatigoran ma pajongjongon ho. Dao ma sian ho angka na manindas ho, angke nada pola mabiar ho jana nada tarsonggot ho, angke nada ro be i tu ho.

MIKA 4:4

Mangolu be jolma di bagasan na aman jana marhasonangan ditonga-tonga ni kobun anggur dohot kobun arana; nada adong be na pabiar-biarkon, i ma da janji ni Tuhan Na Markuaso.

ZAKARIA 9:8

JagohononKu ma tanongKi jana ambatonKu angka parangan ni bangso na asing na giot mamolus sian i. Nada Hupatola be angka panyosak manjaja bangsongKi. Angke madung Huida pardangolan ni halahi.”

MATEUS 24:15

“Idaonmunu ma masa hajahatan na manyegohon tarjadi di inganan na badia on, songon na nidok ni Panurirang Daniel. (Sanga ise na manyise i: Diparate-atehon ma artina!)

MATEUS 24:6

Begeonmunu ma angka sora ni porang dohot barita ni angka porang. Tapi ulang gabe mabiar hamu. Harana angkon tarjadi do songon i. Tapi nada podo hatihana ro ari na parpudi.

MARKUS 4:40

Dung i didok Jesus ma tu angka anak siseanNia i, “Biasi mabiar hamu? Adong he laing na so porsaya dope hamu?”

LUKAS 21:9

Ulang pola mabiar muse hamu umbege barita taringot tu angka porang dohot hagaoran. Angke angkon jolo masa do sudena i. Tapi i pe nada na giot ari parpudi dope.”

JOHANNES 14:1

Didok Jesus ma, “Ulang pola marsak rohamunu. Porsaya ma hamu tu Debata jana porsaya ma hamu tu Au.

1 PETRUS 3:14

Tapi haru pe angkon manaon hamu hara ni na mambaen angka pangalaho na denggan, na maruntung do hamu disi! Ulang hamu mabiar sanga na mida ise pe jana ulang hamu tarsonggot.