PODA 29:4 - BIBEL JAMITA NA DENGGAN

⁴ Muda dirohahon parkuaso hatigoran, togu ma negarana. Tapi muda hepeng dirohahon, maronco ma luatna.

PODA 29:4 ပူးပေါင်းရင်းမြစ်များ

2 SAMUEL 8:15

Songon i ma si Daud mamarenta di sude Israel jana dijago ia do rayatnia i anso sai dipatupa na tigor dohot na denggan tu halahi.

1 RAJA-RAJA 2:12

Dung i si Salomo ma gabe raja gonti ni si Daud amangnia. Togu situtu do harajaan ni si Salomo.

2 JUJUR TAON 9:8

Nipuji ma Tuhan, Debata ni tuan i! Di na niangkatNa tuan i gabe raja ni Israel, na patuduhon sanga songon dia sonang ni roha ni Tuhan i tu tuan i. Nada marnamantak Ia antong manghaholongi bangso Israel; i do umbaen na niangkatNia tuan i gabe raja ni halahi, anso tarhajongjongkon tuan i uhum dohot hatigoran.”

JOB 11:6

Jana dipaboa Ia ma nian tu ho, na bahat do suhi ni habisuhon, jana na so haastuan jolma. Jadi botoonmu ma sugari na so sadia do dangolmi, martimbangkon uhuman na patut tanggungonmi.

MASMUR 89:14

Hatigoran dohot hajujuron do ojahan ni harajaanMu, torang do huida holong dohot habonaron di sude na nibaenMu.

MASMUR 99:4

Raja na marsahala, dihaholongi Ho do na tutu, madung dihajongjongkon Ho do hatutuan. Uhum dohot hatigoran didalankon Ho di tonga-tonga ni pomparan ni si Jakob.

PODA 14:34

Hara ni hasintongan do bangso marmulia, tapi marlayas do bangso hara ni dosa.

PODA 16:10

Muda raja mandok hata marhite kuaso ni Debata, jadi, nada sala ia di haputusan na nibaenna.

PODA 16:12

Di na markuaso, jorbut do na mangkarejohon hajahatan, angke hara ni hatigoran do togu pamarentaanna.

PODA 20:8

Muda mangadili raja, dipareso ia do sudena, jana dibuka ia sandok hajahatan.

PODA 29:14

Muda diondihon raja hak ni halak na gale, martaon-taon do ia mamarenta.

PODA 8:15

Hubantu do angka raja mandalankon pamarentaon angka parkuaso hutolong manjongjongkon hatigoran.

JESAYA 49:8

Didok Tuhan tu bangsoNia, “Di hatiha na ungkap rohangKu alusanKu ma ho, di hatiha na paluahon Au, tolongonKu ma ho. Madung Hujadihon jana Hulehen ho gabe janji maradopkon jolma, laho mambangun portibi on mangulahi, jana mambagi-bagihon tano pusako na dung mamolngit i.

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

DANIEL 11:20

Gontion ni sada raja ma ia, i ma raja na giot marsuru angka pagawena laho palagutkon pajak mardongan paksa laho manambai sinadongan ni harajaanna. Nada piga ngombas hona bunu ma raja i, nada pola di sihapataran jana nada muse di bagasan porang.”

MIKA 7:3

Sude do malo mambaen jahat. Parkuaso dohot panguhum mangido hepeng sogok, jana hatobangon ni kota mamaksahon hagiotna, songon i ma halahi rap martahi na jahat.

1 SAMUEL 13:13

Umbege i gabe didok si Samuel ma tu si Saul, “Santak do bodona na nibaen ni raja i. Sugari sura dioloi raja i parenta ni Tuhan Debata na tu raja i, pasti do pahoton ni Tuhan raja i dohot pomparan ni raja i di Israel salolot-lolotna.