PODA 29:2 - BIBEL JAMITA NA DENGGAN

² Muda mamarenta halak na tigor, moga ma halak na bahat. Tapi muda markuaso halak na jahat marhancit ma rayat.

PODA 29:2 ပူးပေါင်းရင်းမြစ်များ

ESTER 3:15

Tibu ma markehean angka suruan na pataruhon surat i tu sude propinsi ni harajaan i. Diparentahon raja i ma anso laing dipabotohon barita i di Susan, kota sabungan ni Persia. Dung salpu i juguk-juguk ma si Haman dohot raja i minum anggur, tapi anggo kota Susan ma pola gaor patunda ni barita i.

ESTER 8:15

Dung i ditadingkon si Mordehai ma bagas godang i mamake pakean hasangapan na rata langit dohot na bontar, juba ungu na sian linen na halus dohot hampu sere na lobi jeges. Marsurak-surak ma kota Susan marjop ni roha.

JOB 34:30

Gabe nada margogo be angka bangso, laho manyundati pamisat ni parkuaso na margogo.

PODA 11:10

Jagar do kota muda marrasoki halak na jujur; muda mate halak na jahat, marsurak-surak halak na bahat.

PODA 28:12

Muda markuaso halak na burju, sude halak sonang, muda mamarenta halak na jahat, nada ra be rayat campur tangan.

PODA 28:15

Parjahat na markuaso tu halak na marhahurangan, songon singa na marngaur sanga songon gompul na manyoro do i.

PODA 28:28

Muda markuaso halak na jahat, rayat manabunihon diri; muda pusa halak na jahat, mur tamba ma bahat ni halak partigor.

PARJAMITA 10:5

Adong hajahatan na asing huida di tano on, i ma hageduhan ni raja dohot parkuaso.

PARJAMITA 10:6

Halak na oto dilehen jabatan, hape halak na kayo nada dipardulihon.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

MATEUS 2:16

Dung diboto si Herodes na dung dipaoto-oto ni parilmu bintang na sian Habincaran i ia, gabe muruk sajo ma ia. Diparuar ia ma parenta anso dibunu sude dakdanak halaklahi na marumur dua taon tu toru na adong di kota Betlehem dohot na humaliang i. Dipahombar ma i tu hatorangan na nitangkasannia sian angka parilmu bintang i.

MATEUS 2:3

Dung tarbege tu Raja Herodes barita i, tarsonggot situtu ma ia. Laing songon i dohot sude halak na di Jerusalem.

HALUMBAAN 11:15

Dung i diombus surusuruan papituhon i ma sarunenia, gabe adong ma sora na gogo situtu di banua ginjang na marsurahi mandok, “Anggo kuaso laho mamarenta portibi on saonnari madung di bagasan tangan ni Tuhanta dohot Kristus na nijanjihon i. Mamarenta noma Ia salolot-lolotna!”