PODA 29:1 - BIBEL JAMITA NA DENGGAN

¹ Sanga ise na manangkang muda dipaingot, di sada hatiha gabe maropuk jana nada be tarpauli.

PODA 29:1 ပူးပေါင်းရင်းမြစ်များ

PODA 6:15

Hara ni parbuatanna i, ompot ma dondonan ni parmaraan halahi gabe mate ma halahi.

1 SAMUEL 2:25

Muda mardosa halak tu jolma, tarampini Debata do i; tapi muda mardosa tu Tuhan do halak, ise be tarbaen manolongsa?” Tapi nada diantureskon halahi sipaingot ni si Eli, amang ni halahi i, madung diputuskon Tuhan do laho mamunu halahi.

PODA 28:18

Martua do di ngoluna halak na tigor madabu do ompot halak na so tigor.

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 13:26

Dialusi Jesus ma, “Sanga tu ise Hulehen roti na Husornomkon on, i ma ibana.” Dung i dibuat Jesus ma roti i, disornomkon Ia ma tu mangkuk i; jadi dilehen Ia ma tu si Judas anak ni si Simon Iskariot.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

BAENON NI ANGKA RASUL 1:18

Anggo si Judas on, madung dapot ia tano kuburannia upa ni hajahatannia na manghianat i. Madabu ma ia jana mate, mapultak butuhana i gabe sarge sude na di butuhana i.

NEHEMIA 9:29

Digorahon do halahi anso mangoloi tu ajaranMu, tapi ditulakkon halahi do sian ginjang ni rohana uhumMu. Hape nian sugari dipatulus uhumMi, na pasti tarjamin do ngolu ni halahi. Sijogal rungkung do halahi jana na tangkang marroha, na so ra tumangihon, na sai manggaga.

2 JUJUR TAON 36:13

Dipaksa Raja Nebukadnesar ma si Zedekia marsumpa mangasahon Debata paboa na setia noma ia. Tapi di pudi, mangalo ma si Zedekia tu si Nebukadnesar. Sian angka dosania i pe nada ra muba si Zedekia. Jogal do rohania maradopkon Tuhan, Debata ni Israel jana nada ra ia mulak tu Tuhan.

2 JUJUR TAON 33:10

Digorahon Tuhan ma si Manase dohot rayatna i, tapi nada ra halahi manangihon.

1 RAJA-RAJA 22:28

Didok si Mika ma, “Muda horas torkis do tuan i mulak, i ma tandana na so mandok hata Tuhan marhite sian au! Tu hamu sude ma na hudok on!”

1 RAJA-RAJA 18:18

“Nada au sibaen gaor,” ning si Elia, “Tapi raja i sandiri do, raja i dohot dongan sabagas ni raja i. Di na marsomba raja i tu angka gana-ganaan ni Baal dilaosi raja i ma angka na niparentahon ni Tuhan.

1 RAJA-RAJA 17:1

Sanoli adong ma sada halak panurirang na margoar si Elia na sian Tisbe na di Gilead ro mandapotkon Raja Ahab jana didok ia ma, “Mangasahon Tuhan Debata na mangolu, na nisomba ni halak Israel jana na huoloi, hupaboa ma tu raja i, anggo dua tolu taon on nada adong ombun sanga udan rimbus pe, anggo so hudokkon.”

1 SAMUEL 2:34

Na gabe tanda paboa na tutu giot tarjadi na Hudokkon i, mate di sada ari ma anakmu na dua i si Hofni dohot si Pinehas.

JEREMIA 17:23

Hape nada ra ompumunu i manangihon sanga mamparrohahon sanga aha na Hudok. Jogal do roha ni halahi jana nada ra mangoloi, boti na so targorahon.

JESAYA 48:4

Huboto do ho sijogal roha, kapala batu, pir songon bosi.

2 JUJUR TAON 25:16

“Pahohom,” ning si Amasia, “Anggo inda, hami bunu ho annon! Nada jungada hami angkat ho gabe panuturi ni raja!” Jadi gabe sip ma panurirang i, tapi painte so i sanga dope tardokkon ia, “Saonnari ma pasti huboto na matehonon ni Debata noma raja i hara ni pambaenan ni raja i, boti hara ni na so diterge raja i sipaingotku.”

1 RAJA-RAJA 20:42

Jadi gabe didok panurirang i ma tu raja i, “On ma na nidok ni Tuhan, ‘Halak na Huparentahon anso bunuonmu, hape dipadiar ho malua. Jadi hara ni i angkon mate ho gontina; maropuk ma tentarami hara ni na padiarkon tentarana i marlojong palua dirina.’ ”

JOB 9:4

Sun do daulat ni Debata dohot kuasoNa; ise ma he na tahan mangalosa?

PODA 28:28

Muda markuaso halak na jahat, rayat manabunihon diri; muda pusa halak na jahat, mur tamba ma bahat ni halak partigor.

JEREMIA 36:31

UhumanKu noma pomparanmu dohot angka donganmu na marpangkat i hara ni angka dosa na nibaenmunu. ParoonKu ma tu hamu sandok bencana na Huondamkon tu hamu, angke nada diterge ho bope halak na maringanan di Jerusalem dohot Juda angka ancaman sian Au.”

HABAKUK 2:7

Hape sian na so pamotoanmu, ho na dung patunduk halak na asing, marutang muse ma ho jana dipaksa manggarar bungana. Marroan ma angka musumu mangarampas sinadonganmu, gabe hitir-hitir ma ho mabiar!

HARURUAR 9:7

Disapai raja i ma sanga aha na masa, gabe dibaritahon halak ma disia na so adong sada pe sian pahan-pahanan ni halak Israel na mate. Tapi laing jogal do roha ni raja i jana nada diloas ia bangso i kehe.

PODA 28:14

Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

JESAYA 28:22

Madung hubege haputusan ni Tuhan Debata Na Markuaso i laho mangago sandok luat. Ulang nayang rohamunu di angka hata na hupalalu on. Mur tu maolna lalu di hamu palua diri!

JEREMIA 14:19

Na dung situtu ma he ale Tuhan ditulak Ho Juda jana na mangingani Sion di Ho hagigian ni roha? Biasi jabat songon i gogona pamukulMu di hami lopus nada tarpamalum be hami? Nada marguna hami jalahi hadamean, nada marguna be diarop rohanami hamaluman, angke hum na mangasa gogo do na masa.