PODA 28:4 - BIBEL JAMITA NA DENGGAN

⁴ Sanga ise na pageduk uhum, mamihak tu na jahat; sanga ise na mangoloi uhum, mangalo halak na jahat.

PODA 28:4 ပူးပေါင်းရင်းမြစ်များ

1 RAJA-RAJA 18:18

“Nada au sibaen gaor,” ning si Elia, “Tapi raja i sandiri do, raja i dohot dongan sabagas ni raja i. Di na marsomba raja i tu angka gana-ganaan ni Baal dilaosi raja i ma angka na niparentahon ni Tuhan.

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

NEHEMIA 13:15

Huida ma di hatiha i sanga na piga-piga halak di Juda na mamoro anggur di Ari Sabat. Adong muse deba nari na marmuat gandum, anggur, batu ni anggur, batu ni ara dohot barang-barang na asing di ginjang ni halode jana dioban tu Jerusalem. Hularang antong halahi marjagal di Jerusalem.

NEHEMIA 13:28

Anak ni Malim Godang Elyasib do si Joyada, tapi sada sian anak ni si Joyada gabe hela ni si Sanbalat na sian kota Bet-Horon i. Jadi hara ni i gabe huusir si Joyada sian Jerusalem.

MASMUR 10:3

Halak na jahat manghatahon na nihalungunkon ni rohana, halak na lahap mamurai jana manulak Tuhan.

MASMUR 49:18

Salang muda adong pe halak na mardohar di ngoluna, jana na nipanggar-panggar hara ni doharnia,

JEREMIA 5:30

Madung masa sada pangalaho na jorbut jana habiaran di luat on:

MATEUS 14:4

Harana jungada do didok si Johannes tu si Herodes, “Nada tola buatonmu si Herodias! Nada denggan i!”

MATEUS 3:15

Tapi dialusi Jesus ma, “Padiar ma songon i! Harana patut do oloanta sude aturan na nihalomohon ni Debata.” Jadi dididihon si Johannes ma Jesus.

MATEUS 3:7

Bahat muse do halak Parise dohot Saduse na marroan tu si Johannes, anso tardidi. Dung diida ia halahi marroan, didok ia ma tu halahi, “Hamu angka pomparan ni ulok! Ise do mandok tu hamu, na bisa pasimbilon dirimunu sian muruk ni Debata na giot ro i?

BAENON NI ANGKA RASUL 12:22

Marsurahi ma rayat na umbege pidatonia i mandok, “Hata ni debata do on, nada hata ni jolma be da i!” ning halahi.

BAENON NI ANGKA RASUL 15:2

Manggogo do si Paulus dohot si Barnabas mangalo halahi. Ujungna ditontuhon ma anso kehe si Paulus dohot si Barnabas rap dohot deba nari na asing tu Jerusalem laho manaringoti salaho tusi tu angka rasul dohot angka pangituai na disi i.

BAENON NI ANGKA RASUL 19:9

Tapi adong do deba sian halahi sijogal roha na so ra porsaya. Dijolo ni halak na bahat i diincahi halahi ma pangajaran taringot tu na giot paluaon ni Debata sude jolma markite-hite Jesus. Jadi gabe ditadingkon si Paulus ma halahi, kehe ma ia rap dohot angka sisean ni Jesus tu sikola Tiranus. Disi ma ia ganop ari marsipatangkasan dohot halak.

SURAT NI SI PAULUS TU PARLAGUTAN ROM 1:32

Diboto halahi do nian angkon mate hona uhum do halak na songon i mangihutkon uhum na sian Debata, tapi haru songon i pe laing dipambaeni halahi do pangalaho na songon i; jana jop muse do roha ni halahi muda adong sanga ise na mambaen songon i.

EPESUS 5:11

Ulang dohoti hamu angka jolma na mambaen parange na golap angka na so marguna. Gumonanan do gorahon hamu angka na songon i. (

1 TESSALONIKA 2:2

Diboto hamu do dompak so ro hami mandapotkon hamu tu Tessalonika, na dung jolo marhancit do hami jana marlayas di Pilippi. Hape madung dilehen Debata do tu hami habaranion laho manjamitahon Jamita na Denggan na sian Debata i tu hamu haru bahat pe paraloan tu hami.

1 JOHANNES 4:5

Taringot tu angka pangalaho na di portibi on do na nihataan ni angka panurirang pargabus i, jana ditangihon portibi on do halahi, angke sian portibi on do haroroan ni halahi.

JUDAS 1:3

Angka dongan na nihaholongan! Tutu situtu do ringgas do rohangku mambaen surat on tu hamu taringot tu haluaan na dung tadalani i. Tapi saonnari taronjar do rohangku paingot hamu markite-hite surat on anso laing torus hamu marjuang hara ni haporsayaan i na nilehen tu angka halak na badia.