PODA 28:16 - BIBEL JAMITA NA DENGGAN

¹⁶ Kejam do pambaen ni parkuaso na so adong parbinotoanna, mamarenta do ia martaon-taon muda dihagigihon ia hageduhan.

PODA 28:16 ပူးပေါင်းရင်းမြစ်များ

1 RAJA-RAJA 12:10

Dialusi halahi ma, “Sugari songon on do didok raja i tu halahi, ‘Haru gale situtu pe au, laing gumogo dope au sian damang!

1 RAJA-RAJA 12:14

songon sipaingot na nilehen ni angka halak na umposo i tusia, “Madung dilehen damang tu hamu tanggungan na dokdok, tapi anggo au, tambaanku dope anso umborat tanggungan i. Dilibas ia do hamu dohot hotang, tapi anggo au sambohonku noma hamu dohot loncing-loncing na marduri!” ning ia.

NEHEMIA 5:15

Anggo angka gubernur painte so au, na gabe boban do di rayat harana dituntut halahi do opat pulu hepeng perak sadari biaya ni sipanganon dohot anggur. Salang angka hatoban ni halahi pe antong dohot do mamisat rayat i. Tapi anggo au nada hubaen na songon i dibaen mabiar do au mida Debata.

HARURUAR 18:21

Tapi tamba ni i muse, angkon laing pilionmu do piga-piga halak na malo jana na bisa dihaposi gabe pamimpin ni bangso i: Pamimpin ni saribu halak, saratus, lima pulu dohot sampulu halak. Dumenggan muda angka halak na mabiar mida Tuhan halahi, haposan jana na so ra manjagit hepeng suruk.

PODA 15:27

Ro ma hasusaan tu keluarga ni halak na mambaen korupsi, tapi mangolu do sanga ise na margoyak ni roha di hepeng suap.

PARJAMITA 10:16

Marjaya do luat na marrajahon jolma na bajar, jana angka parpangkatna sasaborngin marhorja godang.

PARJAMITA 4:1

Dung i huparrohahon muse ma sada hageduhan na masa di tano on. Martangisan angka halak na hona sosak jana nada adong na ra mangurupi halahi. Umpe sahalak na ra mangurupi, harana godang do kuaso ni angka na manyosak i.

JESAYA 3:12

Rajaan ni angka dakdanak ma bangsongKi jana parentaon ni dadaboru. Ale bangsongKu, pamimpinmunu i ma angka pangjago, jana dalan na dibolusmunu disego-sego halahi!

AMOS 4:1

Tangihon hamu ma, ale angka boru Samaria, na mur mamokmok songon angka lombu Basan! Dipisat hamu do halak na gale, halak na pogos diporo hamu, jana sai digogohon hamu anso diparade halaklahimu tongtong inumon na koras di hamu!