PODA 28:14 - BIBEL JAMITA NA DENGGAN

¹⁴ Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

PODA 28:14 ပူးပေါင်းရင်းမြစ်များ

JOB 9:4

Sun do daulat ni Debata dohot kuasoNa; ise ma he na tahan mangalosa?

MASMUR 112:1

Martua ma na burju na marjop ni roha patuluskon parenta ni Tuhan.

MASMUR 16:8

Sai torang do rohangku di haroro ni Tuhan donok do Ia, nada pola au jabat gamang.

MASMUR 2:11

Haburjuhon hamu ma mamuji Tuhan paunduk hamu ma marsomba di joloNa jana humitir.

MASMUR 95:8

“Ulang hamu tangkang songon ompumunu i, dompak di Meriba halahi, di parhorsihan Masa.

HARURUAR 14:23

Diayak-ayak halak Mesir ma halahi lalu mangihut masuk tu laut i dohot sude kudo, kareta dohot na maroban kareta i.

HARURUAR 7:22

Tapi laing dibaen angka parelmu ni raja i muse do songon i marhite elmu sihir ni halahi, gabe sai jogal ma roha ni raja i. Laing songon na nidok ni Tuhan, na so ra do raja i manangihon si Musa dohot si Harun.

HARURUAR 7:23

Balik noma, kehe ia tu bagas godang, umpe diterge ia na masa i saotik pe.

PODA 23:17

Ulang iba mangiburu mida halak pardosa. Oloi ma torus Tuhan,

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

PARJAMITA 8:12

Haru pe dibaen sada pardosa saratus hajahatan, laing totop do ia mangolu jana umurna ginjang. Ninna, sanga ise na mangoloi Debata, mur maradu mura do ngoluna.

JESAYA 66:2

Nada he tanganKu do mambaen sasudena umbahen masa na songon on? Songon i do pandok ni Tuhan. Tapi tu halak si songon on ma nolnol Au marnida, jolma na tartindas dohot na maheu, na mabiar tu hatangKu.

JEREMIA 32:40

BaenonKu ma parjanjian na hot dohot halahi. Nada mantak Au mambaen na denggan tu halahi. BaenonKu ma halahi mabiar jana mamparsangapi Au sian sandok rohana anso ulang mandao halahi sian Au.

SURAT NI SI PAULUS TU PARLAGUTAN ROM 11:20

Tutu do nian songon i. Tapi diambungkon pe halahi, hara ni na so porsaya do halahi, jana dijagit pe ho hara ni na porsaya do ho. Jadi ulang pola gabe ginjang rohamu hara ni i; gari ada angkon mabiar do ho.

SURAT NI SI PAULUS TU PARLAGUTAN ROM 2:4

Sanga na marlayas ni roha do ho di godang ni denggan basaNia, lambok dohot burju ni rohaNia? Nada he diboto ho, denggan basa ni Debata do maroban ho tu haubaan ni roha?

SURAT NI SI PAULUS TU PARLAGUTAN ROM 2:5

Tapi hara ni jogal ni rohamu na so ra muba, ditamba ho do rimas tu dirimu sandiri di ari haririmas dohot hapataran ni uhuman ni Debata na tigor i.

IBRANI 4:1

Antong, laing adong dope janji ni Debata na giot lehenonNia dope di hita i ma paradianan. Jadi jago ma hita anso ulang jabat adong sahalak pe sian hamu na so tola masuk tu paradianan na nijanjihonNa i.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.