PODA 28:13 - BIBEL JAMITA NA DENGGAN

¹³ Na manabunihon dosana, nada i maruntung. Sanga ise na mangokui jana manadingkon dosana, Debata do, mangalehen ampun.

PODA 28:13 ပူးပေါင်းရင်းမြစ်များ

PAMUNGKAAN 4:9

Disapai Tuhan ma tu si Kain, “Di dia si Abel, anggimi?” Dialusi si Kain ma, “Nada huboto i. Angkon iba ma he lakna pajago-jago angginiba?”

2 SAMUEL 12:13

Dung i didok si Daud ma tu si Natan, “Madung mardosa au maradopkon Tuhan.” Dialusi si Natan ma, “Madung diampuni Tuhan raja i; jadi nada jabat mate be raja i.

2 SAMUEL 14:32

Dialusi si Absalom ma, “Hara ni na so ra i do ho ro di na husuru pio i. Na giot suruonku do ho nian mangadop tu raja i laho palaluhon sapa-sapangkon. ‘Aha do gunana morot au sian Gesur di na ro au tuson? Gumonan hian do laing disi au.’ ” Dung i dipaudut si Absalom ma, “Usahahon ma anso tarbaen au mangadop tu raja i, jana muda laing na marsala dope au, rade do au mate hona uhum.”

2 RAJA-RAJA 20:15

“Aha na niligi ni halahi di bagas godang?” ning si Jesaya mangulahi manyapai. “Sudena diligi halahi!” ning si Hiskia. “Nada adong be sanga na aha di bagasan panyimpanan ni arta di bagas godang ni raja na so hupatidahon tu halahi.”

2 JUJUR TAON 6:26

Muda nada dipaijur Ho udan hara ni na mardosa bangsoMon tu Ho, dung i gabe muba roha ni halahi sian dosana i jana ro halahi mangadop tu bagas paribadatan on lalu martangiang sian toruk ni rohana tu Ho,

ESRA 10:11

Antong, oku hamu ma dosamunu tu Tuhan, Debata na nisomba ni angka ompunta i, jana patulus hamu ma sanga aha na pasonang rohaNia. Mandao ma hamu sian halak na asing na maringanan di luatta on jana paorot hamu ma angka dadaborumunu na sian bangso na asing i.”

ESRA 10:2

Dung i mandok hata ma si Sekanya anak ni si Jehiel tu si Esra, “Ma mardosa hami tu Tuhan hara ni na mambuat boru ni bangso na asing. Haru songon i pe, laing adong dope siaropon ni roha ni Israel.

JOB 31:33

Anggo halak na asing dibunihon do dosana, hape anggo au nada unjung songon i da.

JOB 33:27

Jadi mandok hata ma ia di jolo ni halak na bahat, ‘Denggan do huetong na jahat, pardosa godang do anggo iba hape nada diuhumi Debata anggo iba.

JOB 34:31

Madung he dioku ho Job, dosamu tu Debata? Madung he marjanji ho na so mangulahi be mardosa?

MASMUR 51:10

Tompa ma roha na polin di au, ale Debata, paimbaru ma rohangku di bagasan dohot tondi na marsihohot.

PODA 10:12

Goyak ni roha patubu partongkaran; holong ni roha mangampuni sudena hasalaan.

PODA 17:9

Muda por rohamu dihalomohon dongan, angkon ampunanmu do hasalaanna. Mambuka-buka hasalaan hum na manggotap pardonganan.

JESAYA 55:7

Sai dipauba parjahat ma ngoluna, jana dipadenggan ma rohana. Sai mulak ma ia tu Tuhan Debata, angke paribo roha do Ia jana manigor do ampunanNa ia.

JEREMIA 2:35

laing didok hamu do na so marsala hamu, na so muruk be Au tu hamu. Tapi Au Tuhan, uhumanKu do hamu hara ni na so ra hamu mangakui na marsala hamu.

DANIEL 4:27

Hara ni i, denggan ma diihutkon raja i sipaingotku. Ulang be sai mardosa raja i, tapi dipatulus raja i ma na denggan dohot na tigor, jana ibo ma roha ni raja i mida halak na pogos. Jadi muda songon i, sai tongtong ma martua raja i.”

HAMALIMON 5:5

Di bagasan angka pangalaho na nigoaran i, angkon akuon ni halahi do hasalaanna.

JUNUS 3:10

Diida Debata ma sude pangalaho ni halahi i; diida Ia ma na dung ditadingkon halahi pangalaho ni halahi na jat i. Jadi gabe dipauba Ia ma haputusanNia i, gabe nada tulus be halahi hona uhum dibaen Ia.

BAENON NI ANGKA RASUL 26:20

Tangkas do hupatorang sanga na tu ise pe anso marsipauba rohana be sian angka dosana jana marsipasahat dirina be ma tu Debata jana angkon tarida ma di ngolu ni halahi be paboa na dung muba rohana sian dosa ni halahi be. Di Damaskus ma parjolo hupatorang songon i, dung i baru di Jerusalem dohot di sude Luat Judea dohot di tonga-tonga ni angka bangso na asing.

HAKIM-HAKIM 10:15

Tapi didok halak Israel i ma tu Tuhan, “Madung mardosa hami da Tuhan. Baen ma roha-rohaMu, asal ma diurupi Ho hami di ari on.”

1 SAMUEL 15:13

Di na marsuo si Samuel dohot si Saul, didok si Saul ma tusia, “Sai dipasupasu Tuhan ma ho amang! Madung hupatulus parenta ni Tuhan i.”

1 SAMUEL 15:24

Umbege i, mangoku ma si Saul tu si Samuel, didok ia ma, “Tutu do i madung mardosa au, hulaosi do parenta ni Tuhan jana hupasiding sipaingotmi. Na mabiar do au tu paranganki gabe huoloi pangidoan ni halahi i.

1 SAMUEL 15:30

Dialusi si Saul ma, “Ma mardosa au tutu. Tapi pinomat ma tarpatuduhon ho amang tu au sangap sian ho di jolo ni angka pamimpin ni bangsongku dohot di sude Israel. Rap dohot au ma ho mulak anso laing tarbaen au maribadat tu Tuhan Debatami.”