PODA 28:12 - BIBEL JAMITA NA DENGGAN

¹² Muda markuaso halak na burju, sude halak sonang, muda mamarenta halak na jahat, nada ra be rayat campur tangan.

PODA 28:12 ပူးပေါင်းရင်းမြစ်များ

1 RAJA-RAJA 18:13

Adong he na so unjung dope dibege amang na hutabunihon saratus halak panurirang ni Tuhan di angka liang dompak na nibunu ni si Isebel sian halahi – lima pulu halak di sada liang – jana hulehen halahi mangan dohot minum?

1 RAJA-RAJA 19:3

Gabe mabiar ma si Elia, jadi maporus ma ia anso ulang hona bunu. Kehe ma ia tu Berseba di Juda rap dohot naposonia i. Disi ma ditadingkon ia naposonia i,

2 JUJUR TAON 7:10

jana ancogotna i, i ma di tanggal dua pulu tolu bulan pitu, disuru si Salomo ma halahi mulak. Marmoga-moga ma halahi hara ni sude na denggan na nibaen ni Tuhan tu bangsoNa Israel, tu si Daud dohot tu si Salomo.

PODA 11:10

Jagar do kota muda marrasoki halak na jujur; muda mate halak na jahat, marsurak-surak halak na bahat.

PODA 28:28

Muda markuaso halak na jahat, rayat manabunihon diri; muda pusa halak na jahat, mur tamba ma bahat ni halak partigor.

PODA 29:2

Muda mamarenta halak na tigor, moga ma halak na bahat. Tapi muda markuaso halak na jahat marhancit ma rayat.

PARJAMITA 10:16

Marjaya do luat na marrajahon jolma na bajar, jana angka parpangkatna sasaborngin marhorja godang.

JEREMIA 36:19

“Angkon martabuni noma ho dohot si Jeremia. Ulang jabat adong halak na umboto inganan partabunianmunu i,” ning halahi.

JEREMIA 36:26

Mur disuru do tehe si Jerahmeel anak ni raja i rap dohot si Seraya anak ni si Asriel dohot si Selemia anak ni si Abdiel anso manangkup au dohot si Barukh juru tuliski. Tapi ditabunihon Tuhan hami.

JEREMIA 5:1

O hamu halak Jerusalem, bolus hamu ma angka dalan di kotamu! Jalahi ma disi, jana ligi sandiri ma! Pareso hamu ma di angka tano lapang ni kota i sanga adong do sada halak na tigor na bonar maradopkon Debata. Muda adong do antong, ampunan ni Tuhan ma Jerusalem.

1 SAMUEL 24:11

Saonnari diida raja i sandiri ma nangkin di bagasan liang i madung dipasahat Tuhan raja i tu au. Na dung dielek-elek do au laho mamunu raja i tapi nada ra au. Hualusi do, na so ra au mamparkanciti rajangku na nipili ni Tuhan.