PODA 27:22 - BIBEL JAMITA NA DENGGAN

²² Haru nigogoan pe mambalbal halak na oto, nada gabe ruar habodoonna sian dirina.

PODA 27:22 ပူးပေါင်းရင်းမြစ်များ

1 RAJA-RAJA 13:33

Laing na so ra do si Jerobeam manadingkon hasomalan ni ngolunia na jahat i. Laho mangurus langgatan na nipajongjongnia i, sai torus do diangkati ia malim sian tonga-tonga ni halak na somal. Sanga ise ma na ra, diangkat ia gabe malim.

HARURUAR 12:30

Di borngin i, ngot ma raja i, menterina, bope sude halak Mesir. Tarbege do di sude Luat Mesir angguk badar angke sude bagas nada adong na so matean anak halaklahi.

HARURUAR 14:5

Dung dibege raja ni Mesir na dung maporus halak Israel i, manyosal ma ia rap dohot menterinia i, ninna halahi ma, “Mambaen bia dehe hita? Tapadiar do halak Israel i kehe, gabe mago ma hatobanta di na kehe halahi?”

HARURUAR 15:9

Ninna musu, ‘Ayakonku ma halahi anso hutangkup jana hubuat por ni rohangku. Sintahonku ma podangku jana hurampas ma sude arta ni halahi, hubagi-bagi jana di au ma i lopus sombu rohangku.’

PODA 14:24

Tarpuji do halak na marroha hara ni habisuhonna; marlayas halak na oto hara ni haotoonna.

PODA 23:35

Jadi gabe dokkononmu ma, “Na hona pukul ni halak do au lakna jana ditampeleng, tapi nada huingot sanga aha na dung tarjadi. Ah, mondohondok sajo au! Porlu dope minum au!”

PODA 26:11

Songon anjing na mulak tu uta-utana, songon i ma halak na oto mangulahi haotoonna.

JESAYA 1:5

Biasi dope he angkon sai manggagai hamu? Adong he na giot baenon dope uhuman na umborat tu hamu? Ma sap sude ulumu baro-baroon, rohamu pe dohot pikiranmu marnyae.

JEREMIA 13:23

Bisa ma he digonti halak Etiopia kulitna sanga babiat pauba bolangna? Bisa ma he hamu mambaen na denggan, hamu angka na dung somal mangkarejohon hajahatan?

JEREMIA 5:3

Anggo satutuna na nipangido ni Tuhan, anso setia do hamu. Dibalbal Tuhan do hamu, tapi nada mangarti hamu. Digopu Ia hamu, hape na so tarajar do hamu. Sijogal roha do hamu jana nada ra muba sian angka dosamunu.

1 SAMUEL 19:21

Dung lalu barita i tu si Saul, disuru ia muse ma angka suruan na asing jana halahi pe laing dohot ma manortori dohot marsurak-surak. Patolunolihon disuru si Saul ma angka suruanna jana laing tarjadi ma na songon i dohot tu halahi.