PODA 27:21 - BIBEL JAMITA NA DENGGAN

²¹ Sere dohot perak diuji di bagasan api, tandaon do halak sian pangkobarina.

PODA 27:21 ပူးပေါင်းရင်းမြစ်များ

2 SAMUEL 14:25

Tarpuji do si Absalom songon halak na jumeges di sandok Israel. Nada adong halak na jumeges be ulang ia. Sian palakpak ni patnia lopus tu ambubu ni ulunia nada adong tihasna.

JOB 28:1

Adong do panombangan inganan ni perak nipambuatan, adong muse do inganan ni sere anso nipolinan.

MASMUR 12:6

Togu do janji ni Tuhan jana tarpangasahon, songon sere na polin na diuji di bagasan api.

MASMUR 66:10

Ale Debata, madung diuji Ho do hami, songon na papitahon perak di bagasan api.

PODA 17:3

Sere dohot perak diuji di bagasan api, tapi anggo roha ni jolma Tuhan do manguji.

ZAKARIA 13:9

Hum sapartolu noma na mangolu sian i. Jana paiasonKu ma halahi songon perak na dipapita ni api. UjionKu ma halahi songon panguji ni halak di sere. Jadi martangiang ma halahi tu Au, jana alusanKu ma halahi. DokkononKu ma tu halahi, paboa na bangsongKu do halahi, jana okuon ni halahi muse ma, Au do Tuhan Debata ni halahi.”

MALEAKI 3:3

Jadi juguk ma Ia songon sada halak panopa perak; jana paiasonNia ma halak Levi songon na paiaskon sere dohot perak, anso gabe sioban haul halahi tu Tuhan di bagasan hasintongan.

LUKAS 6:26

Marjaya ma hamu muda sude halak mamuji hamu; angke songon i do angka panurirang panipu najolo dipapuji-puji angka ompung ni halahi.”

1 PETRUS 1:7

Sudena i na laho patandahon haporsayaanmunu do tu Tuhan, paboa na tutu do haporsayaanmunu i sanga nada. Sere na ra sego pe angkon laing tutungon do i tu api. Dao dope ummarga haporsayaanmunu i ulang pado sere, jadi angkon laing diuji dope i anso gabe pita. Jadi gabe pujion ma hamu jana pasangapon bope dipatuginjang di haroro ni Jesus Kristus mangulahi tu tano on.

1 PETRUS 4:12

Angka dongan na hihaholongan! Hancit do ditaon hamu saonnari hara ni na hona uji. Tapi ulang pola homang rohamunu, muda adong masa tu hamu sada pangalaho na luar biasa.

1 SAMUEL 18:30

Ganop ro tentara ni Pilistin mamorangi, sai manjadi do si Daud ulang pado angka parangan ni si Saul na asing i. Jadi mur tarbonggal ma si Daud.