PODA 27:18 - BIBEL JAMITA NA DENGGAN

¹⁸ Sanga ise na marsuan-suanan panganonna do parbatuna. Dipasangap do pangoloi muda dioloi do tuanna.

PODA 27:18 ပူးပေါင်းရင်းမြစ်များ

2 RAJA-RAJA 18:31

Ulang patangi-tangi hamu si Hiskia. Au raja Asur mamarentahon tu hamu anso ruar hamu sian kota i, menyerah ma hamu. Panganonmunu ma muse batu ni anggur sian kobunmunu sandiri, hatonggihononmunu ma batu ni anggur sian suan-suananmunu sandiri, jana inumonmunu ma aek sian sumurmunu sandiri,

2 RAJA-RAJA 3:11

Marsapa ma Raja Joram, “Adong dehe ulaning panurirang dison na gabe dalanta mangido panogu-noguon tu Tuhan?” Dialusi sahalak parpangkat sian tentara ni Raja Joram ma, “Dison do si Elisa anak ni si Safat. Pangurupi ni si Elia do ia na salpu i.”

2 RAJA-RAJA 5:25

Dung masuk si Gehasi mangulahi tu bagas, disapai si Elisa ma ia, “Na sian dia do ho?” “Nada pola sian dia da, tuan!” ning ia mangalusi.

2 RAJA-RAJA 5:27

Hara ni na nijagitmu silehen-lehen i, laing jagitonmu muse ma dohot nyae ni si Naaman i. Sanga na andigan salolot-lolotna laing hona nyae na songon i ma pomparanmu!” Di na ruar si Gehasi sian i, hona ma tusia nyae i – mamontar ma kulitna i.

ESTER 6:11

Jadi dibuat si Haman ma pakean dohot kudo i jana dipapakehon ia ma pakean i tu si Mordehai. Dung manengget si Mordehai tu kudo i, diudurkon si Haman ma ia mamolus tano lapang ni kota i, marsurak-surak, “Ligi hamu bo, songon on ma pangalehen ni raja i laho mangargahon halak na niparsangapanna!”

MASMUR 123:2

Songon sada naposo na marguru di roha ni tuanna jana songon sada naposo dadaboru tu morana. Songon i ma hami marsigantung tu Ho, ale Tuhan Debatanami, lopus ibo rohaMu mida hami.

HARURUAR 24:13

Jadi markobas ma si Musa dohot si Josua pangurupinia i laho manangkok tu dolok na badia i.

PODA 17:2

Hatoban na bisuk gabe markuaso do tu dakdanak na so hasaya, jana gabe dohot do ia mandapot pusako sian pusako ni dakdanak na so hasaya i.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PODA 27:17

Laing songon baja na manggarut baja, laing songon i muse do jolma marsiajar sian donganna.

PODA 27:19

Na niidamu di bagasan aek, i ma halinu ni tompamu, na niidamu di bagasan rohamu, i ma dirimu.

ENDE NA GODANG 8:12

Haru pe sabahat-bahatna hepeng ni si Salomo dohot angka pamola nada parduli au disi angke adong do kobun anggurku sandiri.

JESAYA 36:16

Ulang tangihon hamu si Hiskia i! Au raja Asur, mamarentahon anso ruar hamu sian kota i jana manyora. Panganonmunu do muse batu ni anggur sian kobunmunu sandiri, mandai batu ni ara sian suan-suananmunu sandiri, jana inumonmunu do aek sian sumurmunu sandiri,

MATEUS 24:25

Hara ni i, ingot hamu ma i! Madung jolo Hupaboa hian i tu hamu, taran so tarjadi dope.

MATEUS 24:46

Martua ma sada naposo na topet mangkarejohon karejona diharoro ni tuanna.

MARKUS 10:43

Tapi anggo hamu, nada tola songon i! Sanga ise na giot godang sian hamu, angkon gabe pangoloimunu ma ia.

LUKAS 12:37

Martua do angka naposo na nidapot ni tuanna sai painte-intehon harorona. Na tutu do na Hudokkon tu hamu, dihohosi ia ma gontingna, dung i dipajuguk ia ma halahi jana ro ma ia mangoloi halahi.

LUKAS 12:42

Dialusi Jesus ma, “Ise ma he naposo na burju jana na marroha i! I ma da naposo na nisuru ni tuanna gabe pangarajai di angka naposo na asing i laho mangalehen halahi mangan di hatiha na ditontuhon.

LUKAS 19:17

Didok tuan i ma, ‘Ma denggan i, ho ma naposo na burju! Angke haposan do ho di bagasan pangalaho na menek pe, hubaen noma ho gabe pangarajai tu sampulu kota.’

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

BAENON NI ANGKA RASUL 10:7

Jadi dung kehe surusuruan na mangkobari i dohot si Kornelius, dipiohon ia ma dua halak parkarejo di bagasnia dohot sada halak tentara pangawalnia na mabiar mida Tuhan.

1 KORINTUS 3:8

Bope na mananom sanga pe na manyiram sarupa do i.

1 KORINTUS 9:13

Tontu diboto hamu do, anggo halak na markarejo di Bagas Ni Debata, manjagit panganon do halahi sian Bagas Ni Debata. Dohot angka halak na mangurus inganan parkaulan ni haul, dijagit halahi do deba sian haul na nipasahat i disi.

1 KORINTUS 9:7

Adong ma he tentara na kehe marporang, angkon laing jalahannia muse balanjonia sandiri? Nada adong halak na manyuan anggur di kobunna hape nada dipangan ia sian suha ni kobunna i! Nada adong parmahan biri-biri na so manginum susu ni pahan-pahananna i!

KOLOSSE 3:22

Hamu angka hatoban! Sanga na bia pe, oloi hamu ma tuanmunu na di tano on. Ulang ma hum hatiha dijagoi halahi hamu, mangoloi hamu tu halahi, anso dapotan pujian hamu sian halahi. Sian rohamunu ma oloi hamu halahi, hara ni biar mida Tuhan.

2 TIMOTEUS 2:6

Partani na marsitutu markarejo, i do na patut parjolo dapotan suha ni na nisuanna.

1 PETRUS 2:18

Hamu angka dongan na gabe pangoloi, unduk ma hamu mangoloi tuanmunu sasangap-sangapna; ulang hum tu halahi angka na denggan roha dohot tu na burju, tapi angkon dohot do tu halahi na jorbong i.

1 PETRUS 2:21

Hara ni i do umbaen na nipio ni Debata hamu. Angke Kristus sandiri pe madung ditaon Ia parkancitan hara ni hamu jana markite-hite i dilehen Ia ma di hamu tiruan anso diihutkon hamu indegeNia.

1 SAMUEL 2:30

Au Tuhan Debata ni Israel, na dung Hujanjihon do najolo, horongmu dohot margamu do na giot parkobas di Au gabe malim sapanjangna. Tapi saonnari Au mandok, nada Huhagioti be na songon i! Angka na pasangapkon Au do na giot pasangaponKu tapi anggo na palayas Au, palayasonKu do.