PODA 27:10 - BIBEL JAMITA NA DENGGAN

¹⁰ Ulang halupahon donganmu dohot dongan ni amangmu. Di hasusaan, ulang pangido bantuan ni kahanggimu; margunaan do hombar bagas na donok ulang pado dongan saama-saina na dao.

PODA 27:10 ပူးပေါင်းရင်းမြစ်များ

2 SAMUEL 19:24

Ro muse ma dohot si Mefiboset pahompu ni si Saul mangalo-alo raja i. Nada marbasu pat ia nada dicukur ia janggutnia, jana nada dibasu ia pakeannia mamungka sian na kehe Raja Daud manadingkon Jerusalem lopus mulak ia maroban hamonangan.

2 SAMUEL 19:28

Na patut do nian mate hona uhum baenon ni raja i sude koum sisolkot ni damang, tapi anggo au madung diisinkon raja i dohot mangan di bagas godang. Anggo saonnari nada puluk be au mangido bagi aha sian raja i.”

2 SAMUEL 21:7

Tapi hara ni na dung marsumpa be si Daud dohot si Jonatan, nada dipasahat si Daud be anggo si Mefiboset anak ni si Jonatan i.

PODA 17:17

Sai na setia do ale-ale tu donganna; jana songon na markahanggi do halahi tu sitaonon.

PODA 18:24

Adong do dongan na so setia, adong muse do na rumosu sian kahangginiba.

PODA 19:7

Halak na pogos menek do di kahanggina, tarlobi-lobi dope di dongan-donganna. Sanga na bia pe dibaen ia, nada tarbuat ia rohana.

JEREMIA 2:5

Didok Tuhan, “Hasalaan dia do na dumpang ompumunu di Au, umbaen pola mandao halahi sian Au? Disomba halahi do patung na so marguna na mambaen halahi gabe so marguna?

BAENON NI ANGKA RASUL 23:12

Manyogotna i, adong ma halak Jahudi marlagut mambaen kompolotan. Disumpahon halahi ma na so ra halahi mangan sanga minum anggo so jolo dibunu halahi si Paulus.

PANGARATAION 22:1

Muda diida hamu lilu lombu sanga biri-biri ni dongan sabangsomunu Israel, ulang dipaula so niboto, tapi oban ma pahan-pahanan i mulak tu nampuna i.