PODA 26:25 - BIBEL JAMITA NA DENGGAN

²⁵ Haru pe rama ia, ulang iba porsaya; angke gutgut do manggohi rohana.

PODA 26:25 ပူးပေါင်းရင်းမြစ်များ

NEHEMIA 6:2

Jadi martona ma si Sanbalat dohot si Gesem tu au anso ro au mambaen parsuoan dohot halahi di sada huta di Rura Ono. Tapi huboto do bahaso na giot mambaen mara do halahi tu au,

MASMUR 12:2

Sude do halahi, marsigabusan, manipu dohot angka hata na tabo tu parbinegean.

MASMUR 28:3

Ulang uhumi au rap dohot halak na durako, rap dohot halak sibaen hajahatan na so labo. Tabo-tabo do begeon hatana manarik tu roha, hape gok hagigian do anggo di ate-atena.

PODA 23:7

Harana, dokkononnia do i, “Tole mangan hita; tambai hamu da,” hape anggo rohania nada songon i. Hum tabo begeon do hatania, tapi anggo rohana asing do.

PODA 26:23

Songon hudon tano na disopu dohot perak, songon i ma halak parhata lancap tapi marroha na jat.

JEREMIA 12:6

Madung pola dihianati angka kahanggimu sandiri ho; dohot halahi mamorangi ho. Ulang porsaya ho tu halahi, haru pe tabo begeon hata ni halahi.”

MIKA 7:5

Ulang pos rohamu di hombar bagasmu, ulang ho marguru di ale-alemu. Jamot ho di angka hata sidokkononmu haru pe dongan saripemu sandiri na umbegesa.

MATEUS 24:23

Dung i muse, muda adong sanga ise halak na mandok tu hamu, ‘Ligi hamu, dison do Kristus!’ sanga, ‘Disadu do Ia!’, – ulang haporsayai hamu i.

1 SAMUEL 18:17

Ditahi roha ni si Saul ma anso dibunu halak Pilistin si Daud di bagasan porang anso ulang ia sandiri mamunusa. Jadi di sada ari didok si Saul ma tu si Daud, “Hupatunang ma borungku siangkaan i dohot ho, asal ma dipatuduhon ho habaranionmu marporang di Tuhan.”