PODA 26:12 - BIBEL JAMITA NA DENGGAN

¹² Dao dope dumenggan halak na oto ulang pado jolma na mangetong dirina malo.

PODA 26:12 ပူးပေါင်းရင်းမြစ်များ

PODA 12:15

Halak na bodo mangkilala dirina na so unjung lilu, halak na marroha giotna umbege sipaingot.

PODA 22:29

Unjung dehe diida ho halak na malo mangkarejohon karejona? Di bagas godang ni angka raja do halahi baenonna karejo, nada di bagas ni halak na somal.

PODA 26:16

Umbisuk do na losok dietong rohana ulang pado pitu halak na mangalehen alus na satutuna.

PODA 26:5

Sapa-sapa na oto angkon nialusan muse dohot alus na oto, anso diboto na marsapa i bahaso na so malo ia songon na niambangnia i.

PODA 28:11

Sai matua na marbisuk do dirina hilalaon ni halak na kayo, tapi halak na pogos na marroha, sai tongtong do ditanda dirina.

PODA 28:26

Sanga ise na mangasahon pandapotna sandiri, nada adong na binotona. Sanga ise na mangihutkon pangajaran ni halak na marroha maruli hangoluan.

PODA 29:20

Umbahat do na niarop ni roha ni jolma na oto, umpado halak na manghobari na so marpikir jolo.

PODA 3:7

Ulang etong dirimu na ummalo sian satutuna; oloi ma Tuhan, jana pasimbil ma hajahatan.

JESAYA 5:21

Marjaya ma halahi hara ni na diambang dirina na bisuk jana na lobi pistar.

MATEUS 21:31

Antong, ise do sian anaknia na dua i na mangoloi na nidok ni amangna?” “Siangkaan i ma antong,” ning halahi. Gabe didok Jesus ma tu halahi, “Satutuna Hudok ma tu hamu: Jumolo do angka sijagit pajak dohot angka anak boru siparkarosuan gabe anggota ni Harajaan Ni Debata ulang pado hamu.

LUKAS 18:11

Jadi tanda sajo ma dibaen Parise i parjongjongnia jana martangiang ma ia, ‘O ale Debata, mandok tarimakasi ma au tu Ho, angke nada sarupa au dohot angka halak na asing i, na manyamun, na so jujur dohot na mangalangkup. Tarimakasi ma hudok dibaen nada tudos au dohot halak sitagi pajak indi.

LUKAS 7:44

Dung i ditailihon Jesus ma tu dadaboru i, didok Ia ma tu si Simon, “Diida ho dehe anak boru on? Di na ro Au tu bagasmon, umpe adong aek diparade ho parbasuan ni patKu; hape anggo anak boru on madung dibasu ia patKu dohot ilu ni matania, jana dipahiang ia dohot obuknia.

JOHANNES 9:41

Dialusi Jesus ma, “Anggo sugari mapitung hamu, so na mardosa hamu. Tapi hara ni na nidokmunu i, ‘Marnida do hami,’ i ma patandahon laing na mardosa hamu.”

SURAT NI SI PAULUS TU PARLAGUTAN ROM 12:16

Saroha ma hamu sama hamu, ulang jalahi hagodangan, tapi patoruk ma rohamunu tu haserepon, ulang ma etong hamu na pistar do hamu.

HALUMBAAN 3:17

Didok hamu, ‘Madung mamora hami jana tuk sude; sada pe nada adong be na hurangnami.’ Hape umpe diboto hamu sanga songon dia dangolmunu dohot parkancitanmunu! Na pogos do hamu, marsaemara jana na mapitung.