PODA 25:12 - BIBEL JAMITA NA DENGGAN

¹² Panggora ni halak na bisuk tu halak na ra manangihonsa, tudos tu tintin sere do i sanga parhiasan sigodang arga.

PODA 25:12 ပူးပေါင်းရင်းမြစ်များ

2 SAMUEL 1:24

O hamu anak boru ni Israel, andungi hamu ma si Saul, raja i! Na pajagar hamu dohot pakean na arga sian abit kirmisi, jana na pajegeskon hamu dohot sere maradu batu na arga.

JOB 28:17

Sere sanga kaco na halus pe nada tarpartimbangkon tusi, nada tarasam dohot mutiha na lolot i.

JOB 42:11

Marroan ma manopot si Job sude angkangnia dohot ibotonia maradu ale-alenia sude di hatiha na salpu, lalu rap marpesta ma halahi di bagasnia. Dipaboa halahi ma na dohot halahi marsak hara ni sude hasusaan na niparo ni Tuhan tusia jana diapoi halahi ma ia. Marsilehen ma halahi hepeng na sasadia be dohot tintin sada be tu si Job.

MASMUR 141:5

Muda digorahon sanga diuhum halak na tigor au, i ma da sada pangalaho na denggan di au. Tapi anggo pamuji ni halak na jahat nada hujagit i, angke sai torus do au martangiang mangalo hajahatanna i.

HARURUAR 32:2

Dialusi si Harun ma tu halahi, “Buat hamu ma anting-anting na di pinggol ni angka dadaborumunu, dakdanakmunu dohot anting-anting ni borumunu jana obani hamu ma tu au.”

HARURUAR 35:22

Jadi marroan ma halahi, halaklahi dohot dadaboru sanga ise na taronjar rohana, marsioban anting-anting ni pinggol, tintin dohot borgokna sude ragam ni barang sere; songon i muse sanga ise na pasahatkon haul na sian sere tu Tuhan.

PODA 15:5

Ditulak na bodo do pangajarion ni amangna, tapi sanga ise na manangihon sipaingot, na bisuk do i.

PODA 20:12

Dilehen Tuhan do di hita mata laho mangaligi, dohot pinggol laho marbinege.

PODA 9:8

Ulang paingot halak pangincahi, gabe goyak do rohania mida ho. Tapi anggo halak na marroha, muda dipatuduhon ho hasalaanna, gabe argaannia do ho.

PARJAMITA 7:5

Gumonan do digorahon halak na marsinaloan umpado mambege ende ni halak na oto.

JEHESKIEL 16:12

Hulehen tu ho tintin ni igung, antinganting dohot jarunjung na jeges.

MATEUS 12:35

Muda denggan sada-sada halak, na denggan muse do diparuar ia sian rohania na denggan i. Muda adong halak na jahat, laing na jahat muse do paruaronnia sian rohania na jahat i.