PODA 24:28 - BIBEL JAMITA NA DENGGAN

²⁸ Ulang ho na gabe saksi maradopkon halak na asing anggo so adong alasan na patut; jana ulang ho margabus salaho tusia.

PODA 24:28 ပူးပေါင်းရင်းမြစ်များ

EPESUS 4:25

Hara ni i, angkon burju do hamu sudena na sada tu na asing. Ulang be marsipaoto-otoan, angke rap anggota ni pamatang ni Kristus do hita sudena.

PODA 25:18

Bolas do mamatehon hata-hata na dipatubu-tubu, songon podang, potuk-potuk sanga pana na tajom situtu.

HALUMBAAN 22:15

Tapi sanga ise halak na mambaen habilean, angka na marhadatuon, angka halak na mambaen rorang, angka halak sibunu jolma, angka halak na marsomba gana-ganaan, dohot angka halak pargabus di hatana sanga markite-hite pambaenanna, di balian ni kota i do anggo inganan ni angka halak sisongon i.

HALUMBAAN 21:8

Tapi anggo angka parbiar, angka na so tontu, angka na so ture, sibunu jolma, angka na rogon, angka pardatu-datu, angka na manyomba gana-ganaan dohot sudena pargabus, laut api do inganan ni halahi dohot barerang na gara-gara, i ma hamatean na paduahon i.”

KOLOSSE 3:9

Ulang marsigabusan hamu, harana madung ditadingkon hamu ngolumunu na honok i rap dohot sude bakona i.

JOHANNES 15:25

Jadi madung songon i pangalahona anso laing tulus na tarsurat i di Buku Tona ni halahi na mandok, ‘Dihosomi halahi do Au haru so binoto sanga hara ni aha.’

MATEUS 27:23

“Aha ma hajahatanNia?” ning si Latus. Tapi mur gogo ma halahi marsurak, “Parsilangkon i!”

PODA 21:28

Mago do saksi pargabus; tapi martarimo do hatorangan ni na umboto parsoalan i.

PODA 19:9

Nada malua sian uhuman saksi pargabus, tapi halak na margabus diparsoada do.

PODA 19:5

Halak na margabus di pangadilan, nada malua sian uhuman.

PODA 14:5

Saksi na jujur sai mandok na satutuna; saksi na so haposan, sai margabus do karejona.

MASMUR 52:1

O jolma na gogo, biasi hagodangkononmu hajahatan na nibaenmu tu halak na nihaholongan ni Debata?

MASMUR 35:11

Marsaksi do halak na jahat manudu au, salaho tu parkaro na so hupaboto-boto.

MASMUR 35:7

So adong harana manaon jorgong halahi tu au, dohot mambaen godung na bagas padapotkon au.

JOB 2:3

Disapai Tuhan ma, “Madung he dipamanat ho si Job naposongKi? Di sude portibi, nada adong na songon ia burjuna dohot denggan ni rohana. Marsomba tu Au do ia jana saotik pe nada adong dibaen ia hajahatan. Laing hot do setia ia tu Au, haru pe na dung nielekmu Au laho mangago ia sian na so dalanna.”

HARURUAR 23:1

“Ulang hata-hatahon hamu angka carito gabus jana ulang urupi hamu halak na sala, jadi gabe saksi pargabus hamu.

HARURUAR 20:16

Ulang gabe saksi pargabus maradopkon dongan.

HAMALIMON 6:2

Mardosa do sada halak maradopkon Tuhan muda so dipaulak ia barang na nipasimpankon ni donganna halak Israel tusia, sanga muda ditangko ia barang ni halak sanga dikicu ia sanga pe na so ra mangoku na dapotnia barang na mago jana na puluk marsumpa hara ni i. Muda songon i pangalahona, angkon sombahononnia ma haul partobus.

HAMALIMON 19:11

Ulang ho manangko, mangicu sanga margabus.