PODA 24:16 - BIBEL JAMITA NA DENGGAN

¹⁶ Harana, haru pe tinggang halak na burju i marpupu, sai na mulak jongjong do i. Tapi suhar-suharna, dilantuk hamamago do halak na jahat.

PODA 24:16 ပူးပေါင်းရင်းမြစ်များ

PAMUNGKAAN 19:35

Songon i ma, borngin i mabuk ma si Lot dibaen halahi jana marcampur ma borunia paduahon i dohot ia. Jana masantaktu do mabuk ni si Lot, nada diboto ia na masa i.

ESTER 7:10

Songon i ma si Haman digantung di tiang na nipajongjongnia i baen di si Mordehai. Dung salpu pe i anso mombun rimas ni raja i.

JOB 5:19

Muda ro mara pangondam, sai na marpupu do ho nipalua.

MASMUR 34:19

Halak na burju, manaon bahat na hancit, tapi dipalua Tuhan do ia sian i sudena.

MASMUR 34:21

Mate ma parjahat hara ni hajahatanna, hona uhum ma sanga ise na goyak rohana mida halak na daulat.

MASMUR 37:24

Muda tinggang pe ia, nada jabat poran bugangnia, angke digolom Tuhan do tangannia.

MASMUR 52:5

Tapi roncohonon ni Debata do ho muse salolot-lolotna; sian bagasmu ho tangkupon jana saratonNia, jana tu inganan ni na mate ma ho paimbaronNa.

MASMUR 7:16

Hajahatan na nitahi ni rohana, tapi ia sandiri do na hona dibaensa.

MASMUR 79:12

Ale Tuhan, baloskon ma pitu noli lompit incak ni musu maradopkon Ho.

PODA 13:17

Utusan na marroha jahat patubu parbadaan; suruan na nihaposan parohon pardamean.

PODA 13:21

Sai dikojar hasusaan do halak pardosa, halak na denggan sai manjagit hadengganan.

PODA 14:32

Mate do halak na jahat hara ni jahat ni parbuatanna; tapi malua do halak na burju hara ni hadenggananna.

PODA 24:22

Bolas do mago santongkin i jolma sisongon i, harana parmaraan na niparo ni Debata sanga raja, indada parkaro na menek.

PODA 6:15

Hara ni parbuatanna i, ompot ma dondonan ni parmaraan halahi gabe mate ma halahi.

JEREMIA 18:17

Songon abu na niombuskon ni alogo Habincaran, songon i ma giot paserahonKu bangsongKi di jolo ni musuna, muda ro parmaraan, giot hudukkononKu noma halahi jana nada urupanKu halahi. Sanga na bia pe, nada urupanKu be halahi!”

JEREMIA 8:4

Disuru Tuhan ma au mandok tu bangsoNia songon on, “Muda tinggang halak, tontu jongjong do ia mangulahi, jana muda lilu halak di dalanna, tontu mulak do ia tu pudi.

JEHESKIEL 7:5

Songon on ma pandok ni Tuhan Debata, “Ligi ma, mardapot-dapot noma parmaraan!

AMOS 5:2

Madung tinggang Israel boru na bujing i, nada lobassa jongjong be! Dipadiar ia bustang di tano, nada adong mangurupisa jongjong.

AMOS 8:14

Angka jolma na marsumpa mangasahon gana-ganaan ni Samaria na mandok, ‘Mangasahon goar ni debata ni bangso Dan’, sanga, ‘Mangasahon debata ni Berseba’ – tinggang noma i jana nada tarsunggul-tarsunggul be.”

BILANGAN 32:23

Tapi ingot hamu ma! Muda nada dipatulus hamu janjimunu i, mardosa ma hamu di Tuhan. Jadi ulang baen be na sala, anso ulang hona uhum hamu hara ni dosamunu.

BAENON NI ANGKA RASUL 12:23

Santongkin i manigor ro ma Surusuruan Ni Tuhan manampeleng si Herodes, hara ni na so nihormatannia Debata. Dipapangani binga ma ia lalu mate.

1 TESSALONIKA 5:3

Muda hatiha didok halak, “Dame do sude jana marsonang-sonang,” jadi disi ma ompot didondoni hamagoan halahi! Nada tarbaen halahi be malua. Songon hancit ni pangkilalaan ni sada ina na giot hipas do hamamasa ni i.

1 SAMUEL 26:10

Mangasahon Debata na mangolu i, huboto do na giot bunuon ni Tuhan i sandiri sanoli on si Saul, betak sanoli on muda dung dapot hatihana, sanga muda mate di parporangan ia.

1 SAMUEL 31:4

Dung i didok si Saul ma tu doli-doli na maroban sinjatania, “Sintak ma podangmi jana tiham ma au, anso ulang be dipaloja dohot dibunu angka halak kapir i au.” Tapi nada ra doli-doli i mambaen songon i, angke mabiar situtu do ia. Jadi gabe dibuat si Saul ma podangnia sandiri jana dionyakkon ia ma dirinia tu ginjangna i.