Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PODA 24:12 - BIBEL JAMITA NA DENGGAN

12 Bolas do dokkononmu, “Nada ahana i di au.” Tapi diboto Debata do pikiranmu jana adilanNa do ojahan ni pikiranmu. Dijago Ia do ngolumu jana baloskononNia do di ho marguru tu pambaenanmu.

အခန်းကိုကြည့်ပါ။ ကော်ပီ




PODA 24:12
35 ပူးပေါင်းရင်းမြစ်များ  

Dibaloskon Ia do na patut hombar tu pambaenan ni jolma, mambaen tu jolma marguru tu pangalahona.


Nada padiaronNia ho tinggang madabu, sai jonggor do sipanjagomu.


JagohononNia do ho laho ro dohot laho kehe, saonnari ro di salolot ni lolotna.


Ditanda Ho do rohangku; muda borngin ro do Ho pamanatkon au; hape anggo hata dohot hagiot na jat, nada dapot Ho sian au.


pasti diboto Ho do i, angke didodo Ho do sibunian ni roha.


jana anggo holong ni rohaNia manongtong do sapanjangna. Ho do mamalos ale Tuhan tu ganop halak marguru tu pangalahona.


Dijagohon Ia do hami anso tongtong mangolu, jana nada dipadiar Ia hami dabu.


Antak ma hajahatan na sumalin, jana patogu roha ni halak na denggan. Angke Ho do Debata na tigor, didodo Ho do roha dohot pikiran ni jolma.


Debata do na mambaen pinggolta, patut ma he nada marbinege? Ia do na mambaen matanta, patut ma he nada marnida?


Sian hata dohot parbuatanna do halak nitanda, jagitonna do upana marguru tu pambaenanna.


Tigor do sude dalan ni halak di rohania sandiri, tapi Tuhan do manimbangi angka roha.


Mungkin tigor do sude pambaenanmu di panatapanmu, tapi Tuhan do manimbang maksud ni rohamu.


Diida Tuhan do sasude na nibaenmu, dijago Ia do ho sanga na tu dia pe ho kehe.


Songon tirangkap do dosa ni jolma na jahat na manjorat halakna i sandiri.


Ulang ma longang muda niida parkuaso mamisat halak na pogos, mangarampas hak ni halahi jana nada dilehen hatigoran tu halahi. Diondihon atasanna do ganop pagawe jana halahi na dua diondihon pajabat na umpangkat.


Au do Tuhan na mandodo roha; Huuji do ate-ate ni jolma. BaloskononKu do tu ganop hombar tu pangalahona; jana Hubaen hombar tu pambaenanna.”


Sumurung do angka sangkapMu jana hahomangan do angka pambaenanMu; diida Ho do sude pambaenan ni jolma, jana dibalos Ho do tu halahi hombar tu pambaenan ni halahi.


Padorgak diri do raja i maradopkon Na Markuaso di banua ginjang i jana puluk do raja i marsuru maroban masuk angka mangkuk na hona rampas sian Bagas Na Badia i. Dung i minum anggur ma raja i, angka na sangap, angka dadaboruna be songon i dohot angka gundik ni raja i sian mangkuk na ni rampas i. Dipuji-puji raja i do angka debata na dibaen sian sere, perak, tumbaga, bosi, hayu dohot batu, i ma angka debata na so marnida sanga marbinege sanga mangastui bagi aha. Nada dipasangap raja i Debata na manontuhon ngolu dohot hamamate ni raja i dohot na manontuhon pardalanan ni ngolu ni raja i.


Ro ne ma Anak Ni Jolma i, mardongan hasangapan ni AmangNia rap dohot angka surusuruanNia. Anggo disi, baloskononNia ma tu ganop jolma hombar tu pambaenan ni halahi be.


Harana, “Mangolu pe hita jana manggulot sanga pe adong hita, di bagasan Ia do.” Laing songon na nidok ni angka parumpama di hamu on, “Angka pomparanNia do hita.”


Laing songon i ma na giot masa di ari na nitontuhon i. Anggo di ari i hombar tu Jamita Na Denggan na hujamitahon i – uhuman ni Debata ma markite-hite Jesus Kristus sude sibunian ni roha ni jolma.


Harana baloskononNia do tu sude halak hombar tu pambaenanna be.


Antong, anggo so dapot dope hatihana, ulang ma matibutu tontuhon hamu marsala sada-sada halak sanga nada. Painte hamu ma lopus tu haroro ni Tuhan i. BukaonNia do sude angka rahasia na buni di na golap. RungkaranNia ma sudena rahasia na buni na di bagasan roha ni jolma. Di hatiha i pe anso jagiton ni halak ganop pujian na patut jagitonna sian Debata.


Harana angkon jongjong do hita sude di jolo ni panguhuman ni Kristus i, jana ganop be angkon manjagit balos satontang tu pambaenanna be taran mangolu, pangalaho na denggan sanga na jat.


Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.


“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.


Angka halak na mangihutkon ia pe angkon Hubunu do anso laing torang diboto angka parlagutan i paboa na Au do na tuk mandodo pikiran dohot roha ni jolma. BaloskononKu ma tu hamu marguru tu pambaenanmunu be.


“Ligi ma! Ro ma Au maroban upa laho mamaloskon tu ganop halak hombar tu pambaenanna.


Tapi didok Tuhan ma tu si Samuel, “Ulang marguru ho di ginjang ni pamatang dohot di jogi ni rupana; nada i por ni rohangKu. Nada songon parsuhat ni jolma parsuhatKu. Anggo jolma siida rupa do, tapi anggo Au marnida roha do.”


Antak ma hata-hatamu na rumar i, paujung ma burasmu na teal i! Angke Debata Na Sun Mamboto do Tuhan na manguji sude pambaenan ni jolma.


Tuhan do mamatehon Ia muse do na pangoluhon. Na paijurkon jolma tu tanoman jana mangangkatsa sian i.


Sugari sura adong sada halak na mangaroro mangalo tuan i jana na mancubo mamunu tuan i, ingkon do jagohonon ni Tuhan Debata tuan i songon arta na nijagohon ni nampunasa. Tapi anggo musu ni tuan i ambungkonon ni Tuhan do dao-dao, songon batu na didanggurkon dohot ambalang.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ