PODA 23:9 - BIBEL JAMITA NA DENGGAN

⁹ Ulang nipaingot halak na oto; indangkan na argahononna sipaingotmi.

PODA 23:9 ပူးပေါင်းရင်းမြစ်များ

PODA 1:7

Laho maruli habisuhon angkon jumolo halak marpangkilalaan sangap dohot biar maradopkon Tuhan. Layas do roha ni halak na oto maradopkon habisuhon jana nada ra i niajaran.

PODA 14:7

Pasimbil ma halak na bodo, harana nada adong dapot parbinotoan sian i.

JESAYA 36:21

Umbege hata i, sangkababa pe nada mandok hata be halak Jerusalem i, harana madung diparentahon Raja Hiskia anso sip sajo halahi.

MATEUS 7:6

Ulang lehen hamu barang na badia tu anjing. Harana muda dilehen hamu i, marbalik ma anjing i laho manyarbut hamu. Dung i ulang lehen hamu berlian tu babi, angke dilonca-lonca babi i sajo do i.”

LUKAS 16:14

Dibege angka halak Parise do sude na nidok ni Jesus. Tapi dipartatai halahi ma ia hara ni por ni roha ni halahi di hepeng.

JOHANNES 10:20

Bahat na mandok, “Na sibolison do i! Na rintik do i! Biasi dipatangi-tangi hamu i?” ning halahi.

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

JOHANNES 9:40

Jadi dibege halak Parise na adong disi do na nidok ni Jesus songon i, gabe didok halahi ma tuSia, “Na didok rohaMu do na mapitung hami on?”

BAENON NI ANGKA RASUL 17:18

Tapi adong do deba sian golongan Epikuros dohot golongan Stoa, na marsoal dohot ia; jadi deba sian halahi mandok, “Aha ma he na giot dohonon ni na matubekbek on lakna?” Adong muse na asing mandok, “Idaon na maroban ajaran taringot tu angka debata na asing do ia,” dibaen dijamitahon ia do jamita na denggan taringot tu Jesus dohot hangongot ni angka na mate.

BAENON NI ANGKA RASUL 17:32

Dung dibege angka jolma i taringot tu na mulak mangolu sian na mate, dipartatai na deba ma si Paulus. Adong muse do deba na mandok, “Por dope rohanami manangihon ho mangkobari taringot tusi mangulahi,” ninna.