PODA 23:32 - BIBEL JAMITA NA DENGGAN

³² Ancogotna i manyogot songon na dipagut ni ulok na marbisa ma hilalaonmu.

PODA 23:32 ပူးပေါင်းရင်းမြစ်များ

JOB 20:16

Minum rasun sibaen mara ma anggo parjahat, mate ma ia baenonna songon na niturbing ni ulok na bisa.

MASMUR 91:13

Langkaanmu ma ulok dohot singa, degeonmu singa jara-jara dohot ulok na marbisa.

HARURUAR 7:12

Diambungkon halahi ma tungkot ni halahi tu tano i, muba ma tungkot i gabe ulok. Hape dibondut tungkot ni si Harun do tungkot ni halahi i.

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

PODA 5:11

Dung i mangarar ma ho hancitan painte-inte ajalmu jana abis ma pamatangmi panganon ni nyae.

PARJAMITA 10:8

Sanga ise manghuar lubang, muli madabu do ia tu bagasan; sanga ise na mansegoi tembok turbingon ni ulok ma ia.

JESAYA 11:8

Salangkan anak na baru sorang pe nada mahua haru pe marmayami di lambung ni ulok na bisa.

JESAYA 28:3

Dege-degeonna hatongamon ni angka pamimpinna na mabuk i.

JESAYA 59:5

Mangkorhon hamatean do angka sangkapmunu na jahat i songon pira ni ulok na marbisa. Muda ditaporkon hamu pira ni ulok i, gabe ruar ma ulok sian i! Hape umpe bagi aha guna ni sangkapmunu i di hamu, tudos tu pakean na nibaen sian asar ni tamboung!

JEREMIA 5:31

Angka panurirang manghatahon gabus jana angka malim mangajarkon hagiotna sambing. Jana i do na diparhagiot ni bangsongKu. Tapi muda ro ari parpudi, aha ma sibaenonmunu?”

JEREMIA 8:17

“Parrohahon!” ninna Tuhan. “Saonnari Hutongos angka ulok tu tonga-tongamunu laho manurbingi hamu, ulok na marbisa na so hatabasan.”

AMOS 5:19

Tudos tu halak na marlojong sian singa do pangalahona, hape marsuo dohot gompul. Sanga songon halak na mulak tu bagasna, jana ditungkolkon tanganna tu tembok lalu diturbing ulok!

AMOS 9:3

Muda martabuni halahi di puncu ni Dolok Karmel, jalahanKu jana tangkuponKu halahi. Muda martabuni halahi tu toru ni laut adu i, parentahononKu do naga laut laho manurbing halahi.

SURAT NI SI PAULUS TU PARLAGUTAN ROM 6:21

Antong, parbatu aha ma na dapot hamu sian i? Sudena i mambaen hamu maila saonnari, angke hamatean do ujung ni i.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.