PODA 23:20 - BIBEL JAMITA NA DENGGAN

²⁰ Ulang ho margaul dohot parmabuk sanga halak na songkal,

PODA 23:20 ပူးပေါင်းရင်းမြစ်များ

PODA 20:1

Inumon na koras mambaen jolma hurang ajar jana gaor oto do halak na minum lopus mabuk.

PODA 21:17

Halak na sai tagi marsonang-sonang sai matua marhahurangan, halak na sai giot marhorja-horja nada ra i gabe mamora.

PODA 23:2

Baen ma piso tu rungkungmu, muda nada tarorom ho hagiotmu.

PODA 28:7

Doli-doli na mangoloi uhum, i ma halak na marroha. Tapi halak na mardongan dohot halak na mermur, amangna do na dipailasa.

JESAYA 22:13

Hape suhar-suhar ni i, marmoga-moga jana marpestai hamu. Mangan juhut ni biri-biri hamu dohot lombu jana minum anggur lalu pio-pio, “Tole ma da mangan minum hita, angke laing na mate ma hita ancogot!”

JESAYA 5:11

Marjaya ma hamu! Sian manyogot lalu tu borngin, hum na manginum siinumon na koras ma hamu jana marmabuk-mabuk.

JESAYA 5:22

Marjaya ma halahi angka na gogo minum, jana na malo mancampur minuman na koras.

MATEUS 24:49

‘Honok dope anso mulak tuanki,’ gabe dipungka ia ma mambalbali angka naposo na asing i, jana angka mangan dohot minum-minum ia dohot halak na asing.

LUKAS 15:13

Nada sadia honok dung i, digadis sianggian i ma sude arta bagiannia i jana kehe ma ia tu sihadaoan, dioban ia ma sude hepengnia i. Disi ma ia marroha-roha mangabur-aburkon hepengnia i.

LUKAS 16:19

“Adong ma sada halak na kayo na mamake pakean surto, jana na marsonang-sonang ganop ari.

LUKAS 21:34

“Jagohon hamu ma dirimunu, ulang jabat lalap-lalap marpestai jana minum-minum mabuk, sanga pe lalap mamikirkon angka na mardomu tu hangoluan, gabe inda hobas hamu di na tompu bincar ari i.

SURAT NI SI PAULUS TU PARLAGUTAN ROM 13:13

Angkon pantun do hita songon na somal dibaen halak di ari na torang, ulang ma marpesta godang marlobi-lobi, sanga mabuk. Ulang rorang, sanga marpangalaho na so ture. Ulang marbada-badai, sanga mangiburu.

EPESUS 5:18

Ulang mabuk hamu dibaen anggur, harana mambaen sego do i tu hamu. Tapi gumonan ma gok Tondi Parbadia hamu.

PANGARATAION 21:20

Angkon dokkonon ni halahi ma tu hatobangon ni kota i, ‘Na jogalan roha ni dakdanaknami on, sai mangalo jana nada ra mangihutkon hata na hami dok; pangabis-ngabis hepeng jana sai ra mabuk.’