PODA 22:9 - BIBEL JAMITA NA DENGGAN

⁹ Pasupasuon ni Tuhan do halak na denggan marroha, dibaen marbagi rasoki do ia dohot halak na hurangan.

PODA 22:9 ပူးပေါင်းရင်းမြစ်များ

MASMUR 112:9

Dilehen ia do sidoka tu halak na pogos, jana dibagihon ia sinadonganna sian burju ni rohana; sai marpupu do ia mambaen na denggan, hara ni i ma umbaen na markuaso ia jana dipasangap.

PODA 11:17

Maruntung do halak muda denggan rohana, tapi marugi do muda marroha na jat iba.

PODA 11:25

Halak na mangalehen pasupasu, mur bahat manjagit pasupasu, halak na sai manolong, laing dapotan tolongan ia.

PODA 11:27

Pasangapon ni halak do sanga ise na ringgas mambaen na denggan na mangalapi parsoalan, dapotan hasusaan.

PODA 14:21

Sanga ise na palayas halak, mambaen dosa; sanga ise marroha na denggan tu halak na pogos, martua.

PODA 19:17

Mangurupi halak na pogos tudos do na pasalihon tu Tuhan; laing Tuhan muse ma na paulakkon.

PODA 21:13

Sanga ise na so ra manangihon holos ni halak na hurangan, nada diparrohahon be ia sandiri muda mangido partolongan.

PODA 28:24

Na manangko sian simatobangna jana mangetong songon i nada dosa, sarupa do i tu angka panangko na somal.

PODA 28:27

Na mangalehen tu na pogos nada i marhahurangan. Sanga ise na papitpit matana tu haporluan ni na pogos, hona bura baenon ni halak.

PODA 31:20

Nada mangholit ia tu na marhahurangan; denggan do rohania tu na mamorluhon tolongan.

JESAYA 32:8

Tapi anggo halak na burju roha sai na tigor do i jana pir do i mampartahankon na tigor.

MATEUS 20:15

Na so tola do lakna hubaen roha-rohangku tu sinadonganku? Sanga na pis do matamu muda burju au tu halak na asing?’ ”

MARKUS 7:22

na markarosuan, ahut tu diri dohot sude hajahatan; na paoto-otohon, na so maraturan, gutgut, manilakoi halak, ginjang ni roha dohot na so tarajar.

LUKAS 14:13

Tapi muda mambaen pesta ho, halak na pogos ma da ontang, angka na martihas, angka na pangpang dohot halak na mapitung,

BAENON NI ANGKA RASUL 20:35

Sanga taringot tu pasal bagi aha pe, madung hupatidahon di hamu tiruan na patuduhon angkon urupanta do halak na so margogo markite-hite na marsitutu karejo. Angke angkon ingotonta do, na nidok ni hata ni Tuhan i, ‘Martuaan do halak na mangalehen sian na manjagit.’ ”

PANGARATAION 28:56

Salang boru ni na mora parroha na dumenggan pe jana na songon i kayo na so unjung mardalan pat sanga na tu dia, laing songon i ma baenonna. Muda dihobuk musu hutana i mandele ma ia hara ni na tangkuraparon, jadi gabe sip-sip ma ia mangankon anakna na baru sorang dohot anggi-anggina i. Saotik pe sian sipanganon i nada lehenonna tu halaklahina na nihaholongan ni rohana sanga pe sada sian anakna i.

IBRANI 13:16

Ulang lupa hamu mambaen na denggan bope na marsiurup-urupan, angke na songon on do haul na pasonangkon roha ni Debata.

IBRANI 6:10

Nada Debata na so tigor. Nada halupahononNia sanga aha na denggan na nibaenmunu tuSia. Sai na ingotonNia do holong ni roha na nipatuduhonmunu tuSia di bagasan pangurupionmunu na nipasahatmunu maradopkon angka dongan Kristen na asing i. Jana lopus saonnari pe laing dilehen hamu do pangurupion i.

1 PETRUS 4:9

Marsijagitan ma hamu na sada tu na asing di bagasna be, so pola humolos.